Әлем • 16 Қыркүйек, 2019

Президент Қ.Тоқаевтың ҚХР-ға сапары бірқатар әлемдік БАҚ-та көрініс тапты

28 реткөрсетілді

Мемлекет басшысы Қасым-Жомарт Тоқаевтың Қытайға мемлекеттік сапары табысты өткені белгілі. Осы сапар барысында бірқатар маңызды құжатқа қол қойылып, келісімдер жасалды. Әлемнің көптеген бұқаралық ақпарат құралы осы сапарға кеңінен тоқталды.

 Xinhua: Қазақстан мен Қытай әріптестікті нығайтады

Xinhua агенттігінің хабар­лауынша, Қазақстан мен Қы­тай тұрақты стратегиялық әріп­­тестікті одан әрі нығайта бе­руге шешім қабылдаған. «Мұн­дай қадам Қытай Пре­зиденті Си Цзинпинь мен Қа­зақстан Пре­зиденті Қасым-Жомарт Тоқаев­тың кезде­суі­нен кейін мүм­­кін болды» деп жа­зады басылым.

«Қытай – Қазақстан қарым-қатынасына қатысты сөйлеген сөзінде Си Цзинпинь екі елдің арасында барлық деңгейдегі байланысты нығайту ниетін қуаттап, Ұлы Жібек жолы бо­­йындағы «Бір белдеу, бір жол» бағдарламасының эконо­ми­калық пайда әкелетініне сенім білдірді. Сондай-ақ индус­трия­лық мүм­кіндіктерді, ғы­лым мен технологиялық инновация сала­сындағы ба­рыс-келісті кү­шейтуге ынта біл­дірді», деп хабарлайды Xinhua.

Агенттіктің хабарлауынша, Қ.Тоқаев та өз сөзінде Қы­­­тай­мен қарым-қатынасты одан әрі ны­ғайтудың мүмкін­дік­­теріне тоқталған.

«Қ.Тоқаев Қытаймен жо­ғары деңгейлі байланыстарды күшейтуге, «Бір белдеу, бір жол» бағдарламасы аясын­да эко­номикалық, сауда, инфра­құрылым, энергетика, ғылым мен технология саласында ын­тымақтастықты арттырудың маңызын атап өтті. Сонымен қатар Қазақстан Президенті Шан­хай ынтымақтастық ұйымы алаңында екі елдің ты­ғыз байланыс орнату қа­жет­тігіне тоқтал­ды», деп жазады Xinhua.

Екіжақты кездесуден кейін екі ел басшысы Қазақстан мен Қытай арасындағы бірлескен мәлімдемеге қол қойды. Сон­дай-ақ бірқатар екіжақты ке­лісімге қол қою рәсіміне қа­тыс­ты.

CNBC: Қазақстан Қытайға бидай экспортын арттырады

CNBC агент­ті­гі­нің ха­­бар­ла­уын­ша, Қа­зақ­стан Қытайға жі­­бе­­ретін бидай көлемін үш есе­ге дейін ұлғайта алады. Бұл туралы Қазақстан Пре­зи­­ден­ті Қасым-Жомарт Тоқаев Қытай­ға бар­ған сапарында мәлім­де­­ді.

Орталық Азиядағы ең үлкен бидай экспорттаушы ел – Қазақстан мен бұған дейін Қара теңіз арқы­лы бидай жіберіп келген Ресей тарапы Қы­тай­ға ауыл шаруашылығы заттары мен бидай экспор­тын ұлғай­ту­ға қызығып отыр.

«Былтыр Қазақстанның Қытайға экспорт­таған би­дай көлемі 550 000 тоннаға жетті. Енді оның көле­мін 2 миллион тоннаға дейін жеткізе аламыз», деді Қ.Тоқаев Бейжіңде өткен қазақ-қытай бизнес­мен­де­рі­нің кездесуінде.

Мұндай межеге қанша уақытта жетуге болаты­н­ын айтқан жоқ. Әйтсе де, бидайдан бөлек, Қы­тай­ға тұз, сүт өнімдері, ет және тауық жеткізуге мүм­кіндік мол екенін атап өтті.

Қытай – күні бүгінге дейін Қазақстан­ның ең үл­кен сауда әріптесі. Мұнай, газ, метал өнімдері көп экс­портталады. Әдетте Қазақстан бидайын көр­шілес Орталық Азия елдеріне жібереді. Енді осы бағытта кеңінен жұмыс істемек.

 

Global Times: Қытай мен Қазақстан 5G технологиясында әріптестік орнатады

Global Times газеті Қазақ­с­тан мен Қытай ара­­­сын­да­ғы қарым-қа­тынас­тың ма­ңызына тоқ­тала келе, екі ел басшы­ла­ры­ның бірқатар ма­ңыз­ды келісімдерге қол жет­кіз­ге­нін жазады.

Қытай Президенті Си Цзинпиньмен кезде­су­ден кейін Қазақстан Президенті Қ.Тоқаев Алибаба компаниясының басшысы Джек Мамен кез­дес­ті. Онда онлайн сауданы Қазақстанға енгізу мәсе­ле­ле­рі талқыланды.

Бұдан бөлек, Қ.Тоқаев қазақ-қытай бизнес­мен­дері кеңесінің отырысына қатысып, екі ел ара­сын­да­ғы қаржы, энергетика, ауыл­ шаруа­шы­лы­ғы, транспорт салаларындағы ынтымақ­тас­тықты арттырудың қажеттігін жеткізді. Бұдан бөлек, ол бизнесмендерге Жібек жолын қайта жаң­ғыр­тудың маңызын түсін­ді­ріп берді.

Сонымен қатар жиын қорытындысы бойынша Қазақтелеком компаниясы қытайлық Huawei компаниясымен бірігіп 5G технологиясын 2019 жылдың соңына таман Қазақстанда сынақтан өткізбек.

CGTN: Ынтымақтастық нығая береді

Қытайдың CGTN арнасы ­Қытай мен Қа­зақстан ара­­­сын­дағы стратегиялық әріп­­тестіктің жаңа кезеңге қа­дам басқанын жазады.

Бейжіңде өткен екіжақты кездесуде Қ.Тоқаев пен Си Цзинпинь маңызды бірқатар мәселелерді тал­қылады. Атап айтар болсақ, экономикалық және сауда ынтымақ­тастығын кеңейте түсуге, ауыл­шаруашылық әріп­тестікті тереңдетіп, техно­ло­гиялық иннова­цияны жетілдіруге келісім жасас­ты. Сонымен қатар коммуникация мен өзара байланысты дамытуға ықылас танытты.

Си Цзинпинь өз сөзінде екі ел арасындағы қауіп­сіздікті нығайту қа­жеттігін, экономикалық ашық­тық­ты же­тілдіру жөнінде айтып өтті. Ал бұдан кейін сөйлеген Қ.Тоқаев Қытай­дың құрылғанына 70 жыл толуымен құттықтады. Сондай-ақ Шанхай ынты­мақтастық ұйымы аясында Азиядағы қауіп­сіздік пен тұрақтылықты нығай­ту­дың маңызын атап көрсетті.

Қ.Тоқаев Қытай мен Қазақстан эконо­микалық, сауда ынтымақтастығын нығайтып, инфрақұры­лым, энергетика, ғылым мен технология салаларын бірлесе дамыту қажеттігіне тоқталды.

 

Шолуды дайындаған Абай АСАНКЕЛДІҰЛЫ,

«Egemen Qazaqstan»

Баннер
Соңғы жаңалықтар

Ең қысқа әңгіме. Қанат Әбілқайыр

Ең қысқа әңгіме • Бүгін, 11:33

Ең қысқа әңгіме. Арман Әлменбет

Ең қысқа әңгіме • Бүгін, 11:26

Күлкі керуені № 2

Руханият • Бүгін, 10:27

Қылқаламның ұшында – Қарағанды

Руханият • Бүгін, 09:48

«Қоянқасқа» тұлпар топ жарды

Руханият • Бүгін, 09:11

Қазақ дастарқанынан дәм татты

Аймақтар • Бүгін, 09:03

Баянғали туралы баян

Руханият • Бүгін, 08:52

Жаңа аялдамаға жаны қас

Аймақтар • Бүгін, 08:31

Жаңаөзенде жаңа жоба басталды

Аймақтар • Бүгін, 08:24

Тағзым мен тағылым тоғысқан той

Руханият • Бүгін, 08:19

Экономикада тұрақты өсім бар

Экономика • Бүгін, 08:06

Краудфандинг қазаққа да жат емес

Қазақстан • Бүгін, 08:00

Ұқсас жаңалықтар