Экономика • 17 Қыркүйек, 2019

Руслан Дәленов: Қазақстан «Doing Business» рейтингінде 28-орында

39 реткөрсетілді

Премьер-Министр Асқар Маминнің төрағалығымен өткен Үкімет отырысында Дүниежүзілік банктің «Doing Business» рейтингіндегі және басқа да халықаралық рейтингтердегі Қазақстанның позицияларын жақсарту шаралары қаралды. Бұл туралы Премьер-Министрдің баспасөз қызметі хабарлады.

Ұлттық экономика министрі Р. Дәленов «Doing Business» бизнесті жүргізу жеңілдігі рейтингінде Қазақстан 2019 жылы әлемнің 140 елінің ішінде 28-орынды алғанын атап өтті.

«Біз өзіміздің алдымызға 2025 жылы алғашқы жиырма елдің қатарына кіруге мақсат қойып отырмыз. Бүгінгі күні бұл Финляндия, Австралия және Латвия секілді елдердің деңгейі», деді министр.

Қазақстанның өңірлері бөлінісінде, бизнесті жүргізу жағдайлары бойынша Алматы, Ақтау және Ақтөбе қалалары көш бастап тұр. 

Р. Дәленовтың айтуынша, сауда және көлік инфрақұрылымының даму деңгейі Дүниежүзілік банктің LPI (Logistics Performance Index) рейтингімен өлшенеді. Индекс елдердің сауда логистикасын дамытудағы сын-қатерлер мен мүмкіндіктерін айқындауға жәрдемдеседі.

«Қазақстан бұл рейтингте 2018 жылдың қорытындысы бойынша 71-орынды иеленді. Еліміз 2025 жылға қарай топ-40 елдің қатарына кіруі қажет. Олар – Израиль, Исландия, Малайзия секілді елдер», деді Р. Дәленов.

Жаһандық бәсекеге қабілеттілік индексін Дүниежүзілік экономикалық форум есептейді. Бұл рейтингте Қазақстан 2018 жылдың қорытындысы бойынша 59-орынға ие болды. 2025 жылға қарай еліміз алғашқы 40 елдің қатарына кіруі тиіс. Бұл Италия, Эстония, Чили сияқты елдердің деңгейі.

«Жаһандық бәсекеге қабілеттілік индексінде кедендік ресімдеудің тиімділігін өлшейтін құрамдауышты ерекше атап өту керек. Бұл фактор бойынша Қазақстан 64-орында. 2025 жылға қарай алғашқы 40 елдің қатарына кіруіміз қажет. Бұл Израиль, Чехия, Чили сияқты елдердің деңгейі», деді Р. Дәленов.

Бұдан өзге, Ұлттық экономика министрінің айтуынша, инвесторлар білім беру деңгейіне ерекше назар аударады. Бұл орта және жоғары білім дайындығының деңгейі. Экономикалық ынтымақтастық және даму ұйымы елдерінің арасында негізгі индикатор «PISA» — білім алушыларды бағалау халықаралық бағдарламасы. Аталған рейтинг мектепте білім беру сапасын үш пән бойынша өлшейді: математика, жаратылыстану, оқу. Рейтинг әрбір 3 жылда қалыптастырылады. 2018 жылдың қорытындысы  бойынша рейтинг биылғы жылғы желтоқсан айында жарияланатын болады.

Р. Дәленовтың айтуынша, егемен кредиттік рейтингтер инвесторлар үшін барынша маңызды фактор. Бұл рейтингтерді Standard&Poor’s, Moody’s и Fitch сияқты агенттіктер жасайды. 2019 жылдың тамыз айында аталған рейтингтік агенттіктер өз рейтінгілерін растады (BBB-/Baa3/BBB). Бұл ретте  Moody’s «тұрақты» болжамын «позитивті» болжамына жақсартты.

«Бүгінгі таңда Қазақстанның егемен кредиттік рейтингі бағалаудың «инвестициялық» санатына кіреді, бірақ тәуекел деңгейі  «орташа» деп сипатталады. 2025 жылға қарай елімізге тәуекел деңгейі төмен елдердің санатына ауысу қажет. Бұл А деңгейіндегі кредиттік рейтинг. Бұл топқа Чили, Жапония, Польша сияқты елдер кіреді», деді Р. Дәленов.

Аталған рейтингке қол жеткізу үшін елімізге экономика құрылымын әртараптандыру, банк секторын сауықтыру, бюджет тәртібін күшейту қажет.

Бекітілген Іс-шаралар жоспарын орындау мониторингін Үкіметтің Жобалық офисінің жұмысы шеңберінде жүзеге асыру ұсынылады. 

Соңғы жаңалықтар

Ең қысқа әңгіме. Төреғали Тәшенов

Ең қысқа әңгіме • Кеше

Ең қысқа әңгіме. Құдияр Біләл

Ең қысқа әңгіме • Кеше

Ең қысқа әңгіме. Мади Сырымбетов

Ең қысқа әңгіме • Кеше

Ең қысқа әңгіме. Қойшыбек Мүбарак

Ең қысқа әңгіме • Кеше

Ең қысқа әңгіме. Жәудір Нартай

Ең қысқа әңгіме • Кеше

Ең қысқа әңгіме. Әлібек Байбол

Ең қысқа әңгіме • Кеше

Ең қысқа әңгіме. Болат Шарахымбай

Ең қысқа әңгіме • Кеше

Ең қысқа әңгіме. Асхат Өмірбаев

Ең қысқа әңгіме • Кеше

Күлкі керуені № 5

Руханият • Кеше

Меценаттың мырзалығы

Аймақтар • Кеше

Жазудың машақаты

Қоғам • Кеше

Әлемнің Әбдіжәмілі

Қазақстан • Кеше

Нан болса, ән болады

Қазақстан • Кеше

Белсене қатысу қажет

Қазақстан • Кеше

Ұқсас жаңалықтар