Кітаптың тұсаукесеріне орай ұйымдастырылған баспасөз мәслихатында Аманжол Әлтаев бұл жобаны іске асырудың көптен бері ойында жүргенінен хабардар етті.
– Ақырында осы ойымды жүзеге асырудың сәті түсті. «Сәкен» кітабы Қарағанды облысы әкімдігінің қолдауымен ақынның мерейтойына арналып 1000 дана таралыммен жарық көрді. Басылым үш бөлімнен тұрады. Бірінші бөлімде Сәкен Сейфуллин туралы мақалалар мен ғылыми материалдар топтастырылған. Одан кейінгі бөлімде белгілі ақындар және жас авторлардың Сәкен туралы өлеңдері басылған. Ал үшінші бөлімде Сәкен Сейфуллиннің шығармалары ұсынылған. Тираждың бір бөлігі кітапханаларға түседі, – деді ол.
«Сәкен» кітабының тұсаукесер рәсіміне Халық әртісі, Қазақстанның Еңбек Ері Асанәлі Әшімов пен Халықаралық айтыс және жыршы-термешілер одағының басшысы Жүрсін Ерман қатысып, жылы лебіздерін білдірді.
Қарағанды облысы
