Спорт • 23 Қыркүйек, 2019

Италияда топ жарды

88 рет
көрсетілді
1 мин
оқу үшін

«Астана» велокомандасының өкілі Алек­сей Луценко Италия тасжолында өткен «Ме­мо­риал Марко Пантани» біркүндік вело­жарысын­да топ жарды. Бұл отандасымыздың осы маусымдағы 10-шы жеңісі.

Италияда топ жарды

Отандасымыз мәре сызығына екі шақырым қалғанда пелотоннан бөлініп, шабуылға шықты. Қарсыластарын шаң қаптырып, басымдығын жарыс соңына дейін сақтап қалған Луценко жеңімпаз атанды. Екінші орынды италиялық Диего Роза (Sky) иеленсе, үздік үштікті франциялық Гийом Мартан (Wanty-Groupe Gobert) қорытындылады.

Луценконың бұл жетістігі «Астана» велокоман­да­сының осы маусымдағы 36-шы жеңісі болды. Сөйтіп қазақстандық команда өз рекордтарын жаңартты.