Парламент • 24 Қыркүйек, 2019

Н.Нығматулин: Еуразия елдері Спикерлерінің 4-кеңесі ауқымды аймақтық мәселелерді қамтыды

8 реткөрсетілді

Нұр-Сұлтанда өткен «Үлкен Еуразия: Диалог. Сенім. Әріптестік» тақырыбындағы Еуразия елдері парламенттері спикерлерінің 4-кеңесінен кейін арнайы баспасөз мәслихаты ұйымдастырылды. Бұл туралы Мәжілістің баспасөз қызметі хабарлады.

Оған Мәжіліс Төрағасы Нұрлан Нығматулин, Ресей Федерациясы Федералдық Жиналысы Мемлекеттік Думасының Төрағасы Владимир Володин, Корея Республикасы Ұлттық Ассамблеясының Төрағасы Мун Хи Сан және 5-кеңесті өткізетін Индонезия Парламенті Өкілдер Палатасының вице-спикері Фадли Зон қатысты.

Ақпарат құралдары өкілдерінің алдында сөз алған Мәжіліс Спикері 4-кеңес - Еуропа және Азияның 60-тан астам елдерінің басын қосқан ең ірі әрі ең беделді парламенттік форумға айналғанын айтты.

Форумда талқыланған тақырыптар ауқымы өте кең болды. Оның ішінде, аймақта бейбітшілік пен тұрақтылықты нығайту, терроризм мен экстремизмге қарсы іс-қимыл, өркениет пен мәдениет диалогын күшейту, парламентаралық ынтымақтастық, инновациялық экономиканы дамыту, цифрландыру, әлеуметтік мәселелердің шешімі қамтылды. Еуразия кеңістігінде табысты ынтымақтастықты кеңейту және нығайту үшін көптеген нақты ұсыныстар мен тәжірибелік ұсынымдар айтылды,- деді Мәжіліс Спикері.

Одан кейін сөз алған Ресей Федерациясы Федералдық Жиналысы Мемлекеттік Думасының Төрағасы Владимир Володин, Корея Республикасы Ұлттық Ассамблеясының Төрағасы Мун Хи Сан форумның парламентаралық байланыстарды, жалпы алғанда, еуразиялық ынтымақтастықты одан әрі нығайту мақсатын алға қоя отырып, жан-жақты, өте жоғары деңгейде өткеніне ризашылық білдірді. Ал Индонезия өкілі Фадли Зон келер жылы өз елдерінде қазақстандық Парламенттің жолымен табысты өткізу үшін бар күш-жігерін арнайтынын айтты.

Нұрлан Нығматулин барлық форумға қатысушыларға, ақпарат құралдары өкілдеріне өз алғысын жеткізді.

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар