«Қазақстан Ауғанстанды қалпына келтіру жөніндегі өзінің халықаралық міндеттемелерінен айнымайды және елдегі жағдайды тез арада тұрақтандыруға мүдделі», - деп атап өтті А.Шәкіров.
Сенатор 2019 жылғы 24 қыркүйекте БҰҰ Бас Ассамблеясының Нью-Йорктегі жалпы пікірсайыстарында Мемлекет басшысы Қ.Тоқаев Ауғанстан Ислам Республикасындағы бейбітшілікті қалпына келтіруге Қазақстанның мүдделі екенін айтқанын еске салды. Президенттің айтуынша, ауған халқын өз мемлекетінің қалпына келтіруіне Қазақстан алдағы уақытта да қолдау көрсететін болады.
Ауғанстан Парламенті жоғарғы палатасының вице-спикері әңгіме барысында Еуразиялық парламенттік алаңның маңызын атап өте келіп, Қазақстан-Ауған парламентаралық қатынастарын нығайтуға дайындығын нақтылады.
Мохаммад Файсал Сами біздің еліміздің ауған халқына көрсеткен көмегі үшін алғысын білдіріп, Қазақстан Республикасының Тұңғыш Президенті Нұрсұлтан Назарбаевтың бастамасы бойынша жүзеге асқан білім беру жобаларының маңызын ерекше атап өтті.
