Олжас Сүлейменов, Оразәлі Сәбден және «Байтақ-Болшақ» экоальянсының төрағасы Азаматхан Әміртай әлемді құтқаратын тұмса табиғатты сақтаудың тектіктерін алға тартты.
Бас қосудан кейін «Атакентте» Олжас Сүлейменов атындағы аллея ашылды. Аллеяның ашылу салтанатына депутаттар, қоғам қайраткерлері, философтар, академиктер, археологтар, мәдениеттанушылар мен экологтар жиналды. Олар «Жеңімпаздарға даңқ», «Күннің шығуы» және «Рахат» сорттарының 61 түп алма ағашын отырғызды.
«Атакентте жаңа сауда үйін салдық. «Шабуыл» қазіргі түсіну үшін «әкелердің отаны» деп аударылған. Біз оны отырғызуымыз керек, біздің отанымыз - Алматы. Қазақстанның барлық қалалары бұдан үлгі алуы керек. Бірақ бірінші аллеяға біздің алғашқы антиядролық қозғалысымыздың аты берілуі керек. Біз Чернобыль қозғалысынан бірнеше ай бұрын пайда болдық. Біздің қозғалысымыз енді басталған бүкіл экологиялық жүйенің негізіне айналды» деді Олжас Сүлейменов.
Отырғызылған әр ағаштың иесінің аты жазылған жазуы бар. Отырғызылған алма ағашының өкіліне ағаштың төлқұжаты берілді. Олардың ішінде: Владислав Косарев, Мұрат Әуезов, Тоқтар Әубәкіров, Жақсылық Үшкемпіров, Ирак Елекеев, Төрегелді Шарманов және Мэлс Елеусізов.
Естеріңізде болса, қала басшысы Бақытжан Сағынтаев жазушылармен кездескен кезде де әр алматылық бір ағаштан ексе, «Жасыл Алматы» статусын қайтара аламыз дегенді ерекше атап өткен болатын. Себебі, қалада жасыл желектердің қурап, азайып бара жатқандығын қаламгерлер де жиі көтеріп жүр. Бүгін алғашқылардың бірі болып Олжас Сүлейменов бастаған бір топ зиялы қауым өкілі Атакент аумағына ағаш отырғызды.
Айта кетейік, осы күні Алматыда 2 миллион 200 мың ағаш болса, оның жайнап тұрғаны - 1 миллион 200 мың ғана. Шамамен 500 мыңы құлауға шақ тұрса, қалғаны емдеуді қажет етеді.
Олжас Сүлейменов аллеясының салтанатты ашылуы «Невада-Семей» Халықаралық антиядролық қозғалыстың құрылғанының 30 жылдығын атап өту жылы өтті.
Бұл шараның бастамашысы «Байтақ-Болашақ» экологиялық альянсы болды. Іс-шара ATAKENT аумағын жаңғырту және кешендегі экологиялық жағдайды қалпына келтіру жоспарының бөлігі болып табылады.
Бұған дейін қалалық мәслихат Олжас Сүлейменовке Алматы қаласының құрметті азаматы атағын берген болатын.
АЛМАТЫ
