Қоғам • 30 Қыркүйек, 2019

Қарағанды облысының тұрғынында 65 млн теңгеден аса салық берешегі бар

34 реткөрсетілді

Аталған рекордтық берешек сомасы жер салығын төлемеу себебінен пайда болған. Көрсетілген соманың негізгі қарызы 37 млн-нан асады, ал есептелген өсімпұл 27 млн теңгеден көп. Бұл туралы Мемлекеттік кірістер комитетінің баспасөз қызметі хабарлады.

Мемлекеттік кірістер комитеті салық төлеуден жалтарған 100 жеке тұлғаның тізімін жариялады. Бұл азаматтардың мемлекет алдындағы жалпы борышы  286 019 395 теңгені құрап отыр. Оның 175 354 401 теңге – негізгі борыш сомасы, ал қалған 110 664 995 теңге – өсімпұл болып табылады.

Салық бойынша ең көп берешегі бар азамат Қарағанды облысында тұрады. Асқар Нәбиевтің жер салығы бойынша (БСК 104302) негізгі борыш сомасы  37 163 849 теңге, есептелген өсімпұлы - 28 192 533 теңге. Жалпы қарызы 65 356 383 теңгені құрап отыр.

Елде салығы бойынша өсімпұл сомасы негізгі борыш сомасынан асып кеткен азаматтар да бар. Мысалы, Нұр-Сұлтан қаласының тұрғыны Талғатбек Ильясовтың жер салығы бойынша жалпы берешек сомасы  19 050 875 теңге, оның ішінде негізгі борышы - 8 685 027 теңге, өсімпұлы - 10 365 848 тенге.

Көлік салығы (БСК 104402) бойынша борышкерлер тізімін тағы да Қарағанды облысы бастап отыр. Фадис Мустакимов бұл салық түрі бойынша жалпы 6 081 323 теңге қарыз жинаған. Оның төлеуі тиіс негізгі сомасы - 4 059 318 теңге, есептелген өсімпұлы - 2 022 005 теңге.

Кейбір қазақстандықтар мүлік салығы (БСК 104102) бойынша да қарыз жинап үлгерген. Мысалы, Жамбыл облысының тұрғыны Ерлан Токсанбаевтың жалпы берешек сомасы 576 191 теңге, оның ішінде негізгі борыш сомасы - 335 811 теңге, өсімпұл - 240 380 теңге.

Мүлік, жер, көлік салығы бойынша берешегі бар азаматтардың жалпы тізімі баспасөз хабарламасына қоса жіберілген қосымшада көрсетілген. Айта кетейік, мемлекеттік кірістер органдары салық бойынша берешегі бар азаматтар тізімін жариялау үрдісін алдағы уақытта да жалғастыруды көздеп отыр.

Қазіргі уақытта Қазақстанда салықтық рақымшылық жүруде: ағымдағы жылдың 31 желтоқсанына дейін (қоса алғанда) негізгі борыш сомасын төлеген азаматтардың өсімпұлы есептен шығарылатын болады.

Салық төлеушілер борыштарының бар-жоғын Мемлекеттік кірістер комитетінің сайтында мына сілтеме бойынша http://kgd.gov.kz/ru/app/culs-taxarrear-search-web тексере алады.

Соңғы жаңалықтар

Ең қысқа әңгіме. Омарбек Нұрдәулет

Ең қысқа әңгіме • Кеше

Күлкі керуені № 6

Руханият • Кеше

Ең қысқа әңгіме. Айбек Ережеп

Ең қысқа әңгіме • Кеше

Ең қысқа әңгіме. Әсел Асқарқызы

Ең қысқа әңгіме • Кеше

Ең қысқа әңгіме. Еділ Анықбай

Ең қысқа әңгіме • Кеше

Ең қысқа әңгіме. Сайлау Төлеу

Ең қысқа әңгіме • Кеше

Ең қысқа әңгіме. Ербол Бораншы

Ең қысқа әңгіме • Кеше

Ең қысқа әңгіме. Нұрлан Қабдай

Ең қысқа әңгіме • Кеше

Дәуір белесінің авторы

Әдебиет • Кеше

Мінез жұмбақтығы

Әдебиет • Кеше

Әуезовтің жалғасы

Әдебиет • Кеше

Ғасыр эпопеясы

Руханият • Кеше

Өрісі кең, өрелі

Руханият • Кеше

Хат қоржын (22.10.2019)

Руханият • Кеше

Ұқсас жаңалықтар