Маңғыстау облысы әкімі аппараты «Қоғамдық келісім» КММ басшысы Аманкүл Әбдіғалиқызы және осетин этномәдени бірлестігінің төрайымы Биркле Фатима ардагерлерді мерекелерімен құттықтап, жарысқа қатысушыларға сәттілік тіледі.
Іс-шара барасында ардагерлерге арналған медицина бұрышы жұмыс жасады. Арнайы мамандар қариялардың қан қысымын өлшеп, кеңестер берді.
Ардагерлердің көңілін сергіткен аталмыш іс-шара өте қызықты да тартысты өтті.
Турнир қорытындысы бойынша І орынды Ким Юрий, ІІ орынды Муртазин Хазен, ІІІ орынды Кенжебеков Тағанияз иеленді. Жеңімпаз ардагерлер облыстық Қазақстан халқы Ассамблеясы атынан марапатталды.
- Қарттар – қазынамыз. Оларды ардақтау – ұрпаққа парыз. Қарттар күні аясында біз облысымыздың бірқатар қартын «Достық» үйіне қонаққа шақырып, ақыл-кеңестерін тыңдап, мүмкіндігімізше сый-сияпат жасап, көңілді отырыс сыйлауға тырыстық. Кішілерге қашанда ізетпен қарайтын аға буын өкілдеріне біздің шақыртуымызды қабыл алып, арамызға келгендігі үшін ризамыз. Қарттарымыз аман-сау жүрсін, - дейді шараның ұйтқысы болған Манғыстау облысының ҚХА хатшылығының меңгерушісі Гүлжан Исмурзина.
Маңғыстау облысы
