Қазақстан • 10 Қазан, 2019

Автобустар банк карталарымен төлем қабылдай бастады

16 реткөрсетілді

Бас қалада қоғамдық көліктермен қатынау тағы да жеңілдей түспек. Енді жолақыны банк карталарымен де төлеуге болады. Әзірге қанатқақты жоба №20 бағдардағы қалалық автобуста іске қосылып, сынақтан өтіп жатыр.  

Тың қызмет «Kassa Nova банкі» АҚ («ForteBank» АҚ ЕБ), Астана LRT және Visa Қазақ­стан жаһандық төлем тех­нологиялық компаниясымен үшжақты ынты­мақ­­­тастық негізінде жүзеге асып отыр. Бұл мүмкіндікті Visa байла­ныссыз карта иелері пайдалана алады. Сонымен қоса астаналық жо­лаушылардан бөлек, аталған қызмет еліміздің өзге аймақ тұр­ғындары мен шетелдік туристерге қолайлы болмақ. Себебі көлік картасын сатып алып, оны терминалдан толтырудың машақатынан құтылады. Енді елордаға саяхаттап келетін туристер әдеттегі халықаралық банк карталарымен жолақысын төлеп, қалаған жерлеріне бару оңайға түседі дейді жобаға жауапты өкілдер.

– Серіктестерімізбен бірлесіп, тиімді көліктік төлем шешімін әзірледік. Украина, Беларусь, Грузия және Қазақстандағы бір­қатар көлік жобаларына жетек­шілік етіп келеміз. Бүгінде Қа­зақ­стан инновациялық тех­но­ло­гияларға ашықтығын бай­қа­тып отыр. Smart city тұжы­рымдамасы шеңберінде қала­ларды дамыту жолында нақты қадамдар жасалды. Оның инте­гралдық элементтерінің бірі осы байланыссыз төлемдер. Нұр-­Сұлтандағы қоғамдық көлік­­терде төлем карталарымен бай­­ланыссыз төлем жүйесін ен­гізу үшін серіктестерімізбен бір­ге жолақысын төлеудің бағдар­ла­малық жасақтамасын дайындап, қосымша жаб­дық орнаттық. Зама­науи инфрақұ­рылымдық шешім­дер қаланың одан әрі дамуына әсер ететіні­не сенімдіміз, – деді Visa компания­сының цифрлы техно­логиялар жөніндегі ТМД және Оңтүстік-Шығыс Еуропа ел­дерін­дегі аға директоры Андрей Алейкин.

Төлемді іске асыру әдеттегі кө­лік картасын қолданудан айыр­машы­лығы жоқ. Демек, оны ва­лидаторға жанастыру арқылы жол жүру ақысын төлей аласыз. Бұл тез әрі ыңғайлы. Жоба сынақ режімінде пысықталып жат­­қандықтан №20 бағыттағы қо­ғамдық автобуста енгізілген. Банк картасымен жолдың құны – 90 теңге. Алайда Visa карта иелері үшін арнайы акция іске қосылды. Атап айтқанда, 8 қазаннан бастап, жыл соңына дейін бір сапардың құны – 45 теңге.

– Жолақы төлемі бойынша жаңа мүмкіндіктерді үнемі із­дес­­тіруге тырысамыз. Бұған дейін SMS хабарлама немесе бір­қатар мобильді қосымшалар арқылы төлем жүйесі енгізілген бо­латын. Банк картасымен төлем жасау тағы бір ыңғайлы тәсіл. Жолаушылардың көңілінен шы­­ғады деп ойлаймын, – деді «Астана LRT» ЖШС басқарма төрағасының орынбасары Бауыр­жан Сейітов. 

Жаңа қызмет жолаушылардың көңілінен шығып жатса, келер жылы барлық қалалық автобустарда банк карталарына арналған терминал орнатылады деп көзделуде. Сол секілді бұл мүмкіндікті пайдалану MasterCard карта иелеріне де беріледі. 

 

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар