Аустрия Ішкі істер министрлігінің сыбай­лас жемқорлыққа қарсы іс-қимыл жөнін­дегі директоры Визель­талер Ан­дреас­пен әңгімелесу бары­сында жем­қор­лыққа қарсы іс-қимыл бойынша жұмыс тәжірибесімен бө­ліс­ті. Аустрия деле­гациясының өкілі түрлі елдің пікірімен және озық тәжіри­бесімен алмасуға алаң ұсын­ғаны үшін Қазақстан тарапына алғыс білдірді.

В.Андреас Аустрия ішкі істер жүйе­сінде 2012 жылдан бастап комплаенс қыз­меті жұмыс істейтінін, 2015 жылдан бас­тап білім беру және денсаулық сақ­тау жүйе­лерінде парасаттылық инс­титутының толық енгізілгенін атап өтті.

Сыбайлас жемқорлықтың превен­циясы мәселелері қоғамда, әсіре­се жастар арасында сыбайлас жем­қор­лық көріністеріне «төзбеу» қағи­дасын насихаттауға назар ауда­рыл­ған. Өз кезегінде, Алик Шпекбаев Қазақ­станда да жемқорлықтың превен­ция­сы басымдыққа ие екенін атап өтті. Қоғамдық бақылау, бюджеттің ашық­­тығы, мемлекеттік органдардың халық ал­дын­дағы есептілігі – парасатты қоғам қалып­тастырудың негізгі іргетасы ретінде қол­данылады.

Корея Республикасының Сыбайлас жемқор­лыққа қарсы іс-қимыл және азамат­­тық құқықтар жөніндегі комис­сиясының төрайымы Ун Чен Пак­пен кездесуде тараптар сыбайлас жем­қорлыққа қарсы сая­сат бойынша ынты­мақтастықтың жа­ңа бағыттары мен бірлескен жобаларды жүзеге асы­ру­дағы өзара әрекеттестік тура­лы мәселелерді талқылады. Алик Шпек­­баев Қазақстандағы салаға қа­тысты қа­был­данып жатқан шаралар туралы хабарлады. Ол сыбайлас жем­қорлыққа қарсы сая­саттың Қазақ­стан­ның мемлекеттік бас­қару жүйе­сінде маңызды орын алатынын атап өтті.

Ун Чен Пак ханым Кореядағы сы­­байлас жемқорлықпен күрестегі тәжірибемен бө­ліс­ті. Атап айтқанда, мемлекеттік орган­дар арасында пара­саттылық рейтингін енгі­зуді жүргізетін арнайы органның қыз­меті туралы хабардар етті.

Өз кезегінде А.Шпекбаев Корея Рес­­пуб­ликасының аталған бағыттағы тәж­іри­бесін зерделеуге және енгізуге қызығу­шылық танытты.

Малайзия Премьер-министрі кеңсесі­нің құқықтық мәселелер жөнін­дегі ми­нистрі Кенг Лью Ви бастаған Ма­лайзия де­ле­гациясымен болған кез­десуде­ А.Шпек­­баев шетелдік әріп­тестерін биыл Агент­тіктің жаңа ере­жесі мен құрылымының бекі­тілгені, жаңа – парасаттылық, превенция және серіктестік департаменттерінің құрылғаны туралы хабардар етті. Оның ай­туынша, бұл мәселеде Малайзия, Гон­конг, Сингапур және Оңтүстік Корея секіл­ді Оңтүстік-Шығыс Азия елде­рінің тәжіри­белері зерделенді. Кез­десу барысында Кенг Лью Ви мырза Малайзияда шетелден активтерді қайтару саясаты жұмыс істей­тінін, сыбайлас жемқорлыққа қарсы сот құрыл­ғанын, бұған қоса, елде сыбайлас жемқорлық құқық бұзушылықтары туралы ақпарат берушілерді толық қорғауға бағытталған заң бар екенін мәлімдеді.

Малайзияның басқару, парасатты­лық және сыбайлас жемқорлыққа қарсы іс-қимыл мәселелері жөніндегі Ұлт­тық орталығының өкілі Мохаммед Абу Касим Малайзияда, атап айт­қан­да, мемлекеттік органдарда сы­бай­лас жемқорлыққа қарсы іс-қи­мыл мақсатында қызметкерлерді кәсі­би сатылмаушылыққа тестілеу енгі­­зіл­генін хабарлады. Сонымен қоса, малайзиялық тарап тәжірибемен ба­рын­ша толығырақ бөлісу үшін қазақ­­­стандық әріптестерін Малайзияға шақыр­ды.

Кувейт Сыбайлас жемқорлыққа қарсы ведомствосының төрағасы Әлнемаш Абдулрахманмен өткен екі­жақты кездесуде А.Шпекбаев Қазақ­станда сыбайлас жемқорлыққа қарсы 2015-2025 жылдарға арналған стратегия әзір­леніп, оның іске асырылуын атап өтті.

Ә.Абдулрахман Кувейт үкіметі Халықаралық сыбайлас жемқорлыққа қарсы академия қызметіне жан-жақ­ты қолдау көрсетуге дайын екенін жет­кізді.

– Сыбайлас жемқорлыққа қарсы іс-қимыл жөніндегі ведомствоның жұ­мысы үш негізгі бағыт бойынша құрылған. Біріншісі, сыбайлас жем­қорлық қылмыстардың 12 санаты бойын­ша азаматтардан сыбайлас құ­қық бұзушылықтар туралы өтініштер жинау. Екіншісі, арнайы тәуелсіз комиссия құру болса, ал үшіншісі ха­лық пен мемлекеттік қызметшілер ара­сында парасаттылық сабақтарын өткізу. Барлық аталған алдын алу шаралары ұзақ мерзімді ұлттық стратегияда көрсетілген. Оның қабылдануы арқылы елдегі оң өзгерістер атап өтіл­ді, – деді Ә.Абдулрахман.

Кездесу қорытындысы бойынша тараптар екіжақты ынтымақтастықты дамыту және сыбайлас жемқорлыққа қарсы саясатты жүзеге асыруда елдер арасында тәжірибе алмасу үшін үлкен әлеует бар деген ортақ пікірге келді.

Дайындаған

Жолдыбай БАЗАР,

«Egemen Qazaqstan»