Экология • 10 Қазан, 2019

Көшеттердің күтімі де назарда болуы керек

18 реткөрсетілді

Облыстық Энергетика және тұрғын үй-коммуналдық шаруа­шы­лық басқармасының мәліметінше, былтыр Кереку өңірінде абат­тандыру мен тазалық жұмыстарына 12,8 млрд теңге қаржы бөлініпті.

Сенбілік шаралары аясында 1 миллион 116 мың текше метр аула­ның аумағы тазаланып, 10,2 мың тонна қоқыс, 14 мың тонна жа­пырақ сыртқа шығарылған. Сон­дай-ақ 277 ескерткіш маңы қа­лыпқа келтірілді. Жергілікті әкім­діктердің қолдауымен 10,3 мың түп күзгі ағаш отырғызылған. Сенбілікке 91 мың адам мен 800 бірлік техника қатысқан. Ал абаттандыру ісіне немқұрайлы қараған тұрғындар мен шағын және орта кәсіпкерлік өкілдеріне жергілікті по­лиция тарапынан 112 әкімшілік хат­тама толтырылып, 348 мың теңге көлемінде айыппұл салыныпты. Мәселен, «Хаги-Павлодар» ЖШС 19 түп ағашты кескені үшін 93 түп ағашты қайта егетін болған-ды. Әкімшілік жауапкершілікке тартылған кәсіпорынға 100 мың теңге көлемінде айыппұл салынды. Жалпы, Ұлттық экономи­ка министрінің бұйрығымен бекі­тілген «Ағаштарды қорғау және сақ­тау туралы» ережелеріне сәй­кес, ағаштарды заңсыз кесу кезінде 5 есе еселенген өтемақы мөлшері белгіленеді. Әрбір заң­сыз кесілген ағаш үшін қайта 5 ағаш отырғызып, оған екі жыл мер­зімінде күтім жасау қажет.

Қалалық тұрғын үй-коммунал­дық шаруашылығы, жолаушылар көлігі және автомобиль жолда­ры бөлімінің маманы Айзада Келді­бекованың айтуынша, биыл облыс орталығына 6196 түп ағаш егіл­ді. Оның бір мыңнан астамы – өтемақы түрінде отырғызылған ағаштар екен. Ал қалғаны бюджет қаражатына сатып алынған. Яғни қаланы көгалдандыру, кө­шет егу, оны суару бойынша жа­рияланған тендерді биыл «Гор­зеленстрой» ЖШС, «Дос-ПВЛ» ЖШС және «Аяулы алақан» ЖШС сынды компаниялар ұтып алған. Бұл мақсатқа қалалық бюджеттен 104 миллион теңге қаражат бөлінген.

– Кәсіпкерлер құрылыс жүргізу үшін бұрыннан өсіп тұрған  ағаш­тарды кесуге рұқсат сұрайды. Сон­дықтан бір ағаш кессе, орнына 5 түп жас тал егу міндетін қою арқылы рұқсат беріледі. Мысалы, «Денсаулық» саябағында салынып жатқан «Forte bank» АҚ 100-ге жуық ағашты кесіп, оның орнына Усолка шағын ауданындағы бассейн маңына 500 түп жас тал екті, – дейді маман.

Алайда мұндай жолмен егілген жас көшеттердің қаншасы көктеп, қаншасы қурап қалғанын ешкім біле бермейді. Сондай-ақ облыс орталығында, аудандарда да көріп жүргеніміздей, сенбілікте отырғызылған ағаштардың суарылмай, күтімнің жоқтығынан қурап, солып қалатыны – на­зар­ға алатын-ақ мәселе. Бұ­дан шығатын қорытынды, бү­гінде дәстүрлі сенбіліктердің өзі көзбояушылыққа айналып ба­ра жатқан секілді. Жергілікті әкім­діктер жалаң көрсеткіштер қуып, тіпті, ойға қонымсыз сандар да көрсете бастады. Айталық былтыр облыстық әкімдік отырысында Железин ауданында 7 мың адам, облыс орталығында 25 мың адам сенбілікке қатысып, 230 техника жұмылдырылған делінді. Сенбілікке  қатысушылар сол іс-шара аясындағы тазалық пен көшет отырғызуды ғана ойлайды. Бірақ сенбіліктен соң да өмір бар ғой. Туған қаламыз бен ауылымызды жасыл желекке бөлей­міз десек, өз қолымызбен ек­кен ағаштарды күтіп-баптап, суаруға да арналған сенбіліктер керек сияқты. Сонымен бірге ком­муналдық сала бөлімдері сенбі­лікте егілген әр ағаштың тағ­ды­рына жауапты болуы керек. Өйткені әр ағашқа қаржы бөлінеді.

Жалпы, көшеттер отырғызу, жеке аулалар мен қоғамдық орын­дардың аумағын тазалау, қала мен ауыл көшелерін көріктендіріп, абаттандыру жұмыстары жыл бойы жалғаса беретін жұмыс. Биыл облыстық жер қойнауын пайдалану, қоршаған орта және су ресурстары басқармасы 100 мыңнан астам көшет отырғызбақ.

 

Павлодар облысы

 

Соңғы жаңалықтар

Таушық ауылы 80 жылдығын тойлады

Аймақтар • Бүгін, 16:35

Абай дүкені – Бельгияда

Руханият • Бүгін, 16:32

Герольд Бельгерге көше берілді

Қазақстан • Бүгін, 15:57

Ең қысқа әңгіме. Риза Исаева

Ең қысқа әңгіме • Бүгін, 15:50

Ең қысқа әңгіме. Нұрбике Құдайбергенова

Ең қысқа әңгіме • Бүгін, 15:45

Ең қысқа әңгіме. Дәурен Дариябек

Ең қысқа әңгіме • Бүгін, 15:39

Ең қысқа әңгіме. Назерке Саниязова

Ең қысқа әңгіме • Бүгін, 15:37

Ең қысқа әңгіме. Ақылбек Шаяхмет

Ең қысқа әңгіме • Бүгін, 15:22

Ең қысқа әңгіме. Алдаберген Кемпірбай

Ең қысқа әңгіме • Бүгін, 13:00

Ең қысқа әңгіме. Еркеғали Бейсенов

Ең қысқа әңгіме • Бүгін, 12:42

Ең қысқа әңгіме. Көгедай Шәмерхан

Ең қысқа әңгіме • Бүгін, 12:39

Ең қысқа әңгіме. Жасұлан Серік

Ең қысқа әңгіме • Бүгін, 12:37

Ең қысқа әңгіме. Ақжол Қалшабек

Ең қысқа әңгіме • Бүгін, 12:28

Ең қысқа әңгіме. Нұрбек Нұржанұлы

Ең қысқа әңгіме • Бүгін, 12:24

Сағынайдың бейіті табылды

Аймақтар • Бүгін, 10:52

Ақмоланың астығына сұраныс мол

Аймақтар • Бүгін, 10:22

Күлкі керуені № 7

Руханият • Бүгін, 10:20

Аталмай неге қалсын Мұса аты?!

Руханият • Бүгін, 10:01

Жақсы дәстүр жалғасады

Руханият • Бүгін, 08:49

Алаштанушы ғалымның белесі

Руханият • Бүгін, 08:47

Игілікті еңбек иесі

Қоғам • Бүгін, 08:46

Намазалы Омашұлы: Ел шежіресі

Руханият • Бүгін, 08:42

Тараз шаһарындағы тамаша түн

Аймақтар • Бүгін, 08:39

Тұңғыш Тіл форумы өтеді

Қоғам • Бүгін, 08:36

Патриархтың орындалған парызы

Руханият • Бүгін, 08:33

Кедергісіз келешек

Қоғам • Бүгін, 08:31

Жошы ханға ескерткіш орнатылады

Руханият • Бүгін, 08:24

Қазақтардың атқа міну мәдениеті

Қазақстан • Бүгін, 08:22

Еуроны сатып алушылар көбейді

Экономика • Бүгін, 08:20

АQR: 14 банкті «сауықтыру» керек пе?

Экономика • Бүгін, 08:15

Ұқсас жаңалықтар