Аймақтар • 10 Қазан, 2019

Университеттегі «Zhas star» фитнес орталығы

185 рет
көрсетілді
1 мин
оқу үшін

Жастар жылы аясында Өскемендегі Сәрсен Аманжолов атындағы Шығыс Қазақстан мемлекеттік университетінде «Zhas star» фитнес орталығы ашылды. Жай күндері таңғы сағат 07:00-ден түнгі 21:00-ге, демалыс күндері сағат 09:00-ден 19:00-ге дейін жұмыс істейтін орталықта студенттерге барлық жағдай жасалған.

Университеттегі «Zhas star» фитнес орталығы

«Орталыққа универ­сите­тіміздің денешынықтыру жә­не спорт факультетін 25 жыл басқарған, шаңғы спорты бойынша бүкілодақтық дә­ре­жедегі төреші Алексей Тру­­новтың есімін беруді жөн деп шештік. Енді студент­теріміз мұнда спортпен алаң­сыз шұғылданып, үлкен жа­рыстарға дайындалады. Би­ыл ШҚМУ-ға 37 спорт ше­­бе­рі оқуға түсті. «Алтай», «Тор­­педо» клубтарының спорт­шылары да бізде оқиды. Мемлекет тарапынан да үл­кен қолдау көрсетіліп жатыр. Облыс әкімі Даниал Ах­­метов биыл жастарға 400 грант бөлді», деді орталықтың ашы­­луында сөз сөйлеген уни­вер­­ситет ректоры Мұхтар Төлеген.

Фитнес орталықтың ашылу салтанатына «Қазақстан Барысы» турнирінің екі дүркін жеңімпазы Айбек Нұғымаров, Nur Otan партиясы облыстық филиалы төрағасының бірін­ші орынбасары Әнуарбек Мұх­тарханов, Алексей Труновтың қызы Ирина Кор­нилович қатысып, жылы лебіздерін жеткізді. «Бұл жерден болашақта әлем чемпиондары шығатынына күмәнім жоқ. Себебі бірнеше әлем чемпионы осы қарашаңырақта оқыған. Орталық қазіргі заман талабына сай жабдықталған екен. Осындай жаттығу залдары көп болсын деген тілек айтамын», деді даңқты балуан.

Фитнес орталықты жаб­дықтау үшін бюджеттен тыс 10 миллион теңгеден астам қаражат бөлініпті. 50 студентке тегін абонемент беріліпті. Ал­дағы уақытта белсенді жас­тарға тағы да 50 абонемент тегін бөлінбек.

 

ӨСКЕМЕН