ТІЛ – ЖАСТАРҒА АМАНАТ

Астана қаласы тілдерді дамыту басқармасының ұйым­дастыруымен “Іскер” бизнес орталығында орыс тілді жас­тардың арасында “Тіл – жас­тарға аманат” атты дөңгелек үстел өтті. Оны теле­журналист Максим Николаев жүргізіп отырды. Дөңгелек үстелдің мақсаты “Ұлыстың ұлы күні әз-Наурыз мейрамы қарсаңында орыстілді қазақ жастарын жаңару мен жаңғырудың жаршысы жастық жасампаздыққа шақыру әрі “Жер-Ананың тоң кеудесі жібіп, тас емшегі иіген” күні қазақ жастары­ның ана тіліне деген құрметін ояту”, дейді Астана қалалық тілдерді дамыту басқармасының бастығы Оразкүл Асанғазы. Бүгінгі таңда ана тілін үйрене алмай жүрген жастардың қоғамдағы орны қандай? Біз олардың жағ­дайын қаншалықты түсініп жүрміз? Жастар, қазақ тілі, аманат арқалау төңірегінде ой қозғалды. Қоғамның белсенді мүшесі жастар екені анық. Осы тұрғыдан келгенде, олардың нақты ұсыныстары мен дәлелді ой-толғаулары басты нысана болды. Мемлекеттік тілді еркін меңгерген өзге ұлт жастарының өткір пікірлері ешкімді де бейжай қалдырмады. Сондай-ақ, орыс тілді қазақ жастары­ның да ана тіліне деген сүйіспен­шіліктері аталған басқосуда сөйлеген сөздерінен байқалып отырды. Дөңгелек үстел отырысына Мәжіліс депутаты Н.Сабильянов, бел­гілі ғалымдар Амангелді Айта­лы, Мұхамедия Ахметов секілді тіл жанашырлары, сонымен бірге қаладағы жоо студенттері, бел­сенді жастар ұйымдарының өкілдері қатысып, ана тіліміз жайындағы ойларын ортаға салды. Әбдірахман ҚЫДЫРБЕК. Астана.