Аймақтар • 15 Қазан, 2019

Жолдың жайы қалай: Экономиканы жарылқайтын сала

29 реткөрсетілді

Жақында Қарағанды облысына жұмыс сапарымен келген Үкімет басшысы Асқар Мамин республикалық маңыздағы жолдардың құрылысымен, атап айтқанда «Қарағанды – Балқаш», «Қарағанды – Теміртау», Қарағандының Солтүстік және Шығыс айналма жолдары сынды ірі инфрақұрылымдық жобалардың жүзеге асу барысымен танысты.

Айта кету керек, бұл­ жа­рыл­қағыр жобалар Тұң­ғыш Президент – Елба­сы Нұрсұлтан Назарбаевтың бастамасымен қолға алын­ған «Нұр­лы жол» бағ­дарламасының аясында дү­ниеге келген еді.

Қазіргі таңда Қара­ған­ды мен­ Бал­қаш қалала­рының арасын­ жал­ғай­тын төрт жолақты жолдың құ­­­­ры­лысы қызу, жұмыс жос­пар­­лан­ған кестеге сай жүріп жатыр. «Ор­талық-Оңтүстік» көлік дәлі­зін қайта құру бойынша қолға алын­ған ауқымды жоба аясындағы жұ­мыс­тарға 2300-ден астам адам мен 1200 бірлік түрлі техника жұмыл­дырылған.

Жұмыстың жай-жап­сарымен танысқан Үкімет басшысы «Қа­ра­ғанды – Балқаш» тас жолын 2020 жылы аяқтауды тапсырды. Ал жол бойын абаттандыруды толық бітіру 2021 жылдың еншісіне тиесілі деп жоспарланды.

Ал «Қарағанды – Темір­тау» мен Солтүстік және Шығыс айналма жолдары мойынға алынған міндет­темелерге сай биылғы жыл­дың соңына дейін аяқ­талуға тиіс.

Айналма жол демекші, тоғыз жолдың торабында тұрған Қа­рағанды қаласы үшін бұл жоба ауадай қажет болатын. Мұның көптеген себептері бар. Со­­ның бі­реуін ғана айт­сақ та, бұл мәсе­ленің күн тәртібінде өткір тұрға­нын байқауға болады. Мә­селен, кеншілер астанасы ар­қылы күніне 20 мыңнан астам транзиттік көлік өтеді екен. Бұл де­геніңіз, жеңілі бар, ауыры бар, қаптаған  көлік об­лыс орталығын қақ жарып өтіп, қаланы көк тү­тінге тұншықтырып қана қоймай, жол қозғалысын да қиындатып жі­береді деген сөз. Ал ауыр жүк кө­ліктерінің қала ішіндегі жол­дардың тезірек тозуына үлкен «үлес» қосып жүр­гені жасырын емес. Міне, осы түйінді мәселені біржола шешу мақ­сатында жалпы ұзындығы 48,4 ша­қырымды құрайтын Солтүстік –Шығыс ай­налма жолын салу қолға алынған болатын.

Қарағандының Солтүс­тік­ және Шығыс айналма жолы пай­­­­­­далануға беріл­генде облыс ор­талығы та­­лай жылдан бері түйі­ні тарқатылмай келген бір­не­ше проблемадан құты­лады. Жо­ғарыда айтып өткеніміздей, қа­ла ішіндегі жолдарда  кептеліс кемиді, шаһардың экологиялық жағ­дайы да жақсара түс­пек. Бұ­дан бөлек, ауыр жүк көліктер қа­­ла ішімен жү­ріп қаншама уа­­­қытын жо­ғалтпай, айналма жол­­мен еш кедергісіз сапарын жал­­­ғастыра беретін болады. Со­нан соң,  айналма жолдың бо­йында шағын және орта биз­нес­тің түрлі нысандары са­лы­нып, кәсіпкерлердің істе­рін дөң­гелетуіне де мол мүмкіндік туындайты­нын айта кетейік.

Жол құрылыс туралы сөз қоз­ғағанда, Жезқазған өңі­ріндегі жағдайды айналып өтуге болмайды. Жалпы, бұл өңірдегі ав­то­мобиль жолдарының жал­пы ұзындығы 1542 шақырымға созылып жатыр. Соңғы үш жыл­дың ішінде осы жолдың 535 ша­қырымына жөндеу жұ­мыс­­тары жүргізілді. Ара­с­ында рес­публикалық, об­лыстық және жер­гі­лікті маңыздағы  учаскелері бар бұл жобаға 13,2 млрд теңге бөлінген.

Биыл Жезқазған – Ұлы­тау өңі­ріндегі респуб­ли­калық және жер­­­гілікті ма­ңыздағы жолдың 140 шақырымын жөндеу үшін бюд­­жеттен 5,9 млрд теңге бө­лін­­ді. Туризмді дамыту және қа­­сиет­ті жерлерге оңай жетуді қам­та­масыз ету мақсатында аудан­дық маңыздағы жолдарға ор­таша дең­­гейдегі жөндеу жұ­мыс­тары жүр­гізілді.

Жыл басынан бері Жез­қазған қаласында 13­ көшеге орта дең­гей­лі жөн­­деу жүргізілді. Бұл жұмыс­тарға бюджеттен 1 млрд теңге бөлінген. Ал Сәтбаев қала­сында төрт көшенің асфальт жо­­лы жөндеуден өтті. Соны­мен қа­тар Жезқазған мен Сәтбаев қа­ласы арасын­дағы күре жолға да жөндеу жұмыстары жүргізілді.

 

Қарағанды облысы

 

Соңғы жаңалықтар

Кәсіпқой бокс: WBC рейтингі жарияланды

Кәсіпқой бокс • Бүгін, 12:18

Күлкі керуені № 14

Руханият • Бүгін, 11:47

176 келі қызылбалықпен ұсталды

Аймақтар • Бүгін, 09:50

Өңіраралық форумда таныстырылды

Экономика • Бүгін, 08:23

6 мың шақырым жол ақылы болады

Экономика • Бүгін, 08:21

Арнайы экономикалық аймақ

Экономика • Бүгін, 08:13

Үздік нәтиже – 12-орын

Спорт • Бүгін, 08:04

Қаһарманға құрмет

Руханият • Бүгін, 08:02

Балуандардың Сырдағы бәсекесі

Аймақтар • Бүгін, 08:01

Мақсаты биік «Мәміле»

Аймақтар • Бүгін, 07:59

ЖИТС-ке қарсы іс-шаралар өтеді

Медицина • Бүгін, 07:43

Таланттар тәлімгері

Руханият • Бүгін, 07:41

Ақын және оның музасы

Руханият • Бүгін, 07:40

Ауадан қармаған айыппұл

Аймақтар • Бүгін, 07:34

Шолоховқа ақ бота сыйлаған

Аймақтар • Бүгін, 07:30

Үркімбаев үйлесімі

Аймақтар • Бүгін, 07:27

Жошыға апарар жол

Қоғам • Бүгін, 07:23

Түрленіп, түлеген Түркістан

Аймақтар • Бүгін, 07:21

Кәсіби кадрлар жұмыс істеуі тиіс

Экономика • Бүгін, 07:12

Оңалту орталықтары салынады

Аймақтар • Бүгін, 07:03

Телефон арқылы сөйлесті

Президент • Бүгін, 06:50

Елорда неге жарықсыз қалды?

Қоғам • Бүгін, 06:42

Ұқсас жаңалықтар