Бұл жекпе-жекте орта салмақтың WBC-USNBС нұсқасы бойынша алтын белбеу сарапқа салынады. Қандасымыздың қарсыласы жайында айтар болсақ, Кристиан Оливас 21 кездесу өткізіп, 16 рет жеңіске жетті. 13 бәсекені мерзімінен бұрын аяқтады. Ал Мейірім Нұрсұлтанов 12 рет рингке көтеріліп, барлығында басымдық танытты. Сегіз қарсыласын нокаутқа жіберді.
Лас-Вегастағы бокс кешінің басты жекпе-жегі мексикалық Сауль Альварес пен ресейлік Сергей Ковалев арасында өтеді. Олар ең белді нұсқалардың бірнеше белбеуі бойынша әлем чемпионы атағын сарапқа салады.
