Қоғам • 22 Қазан, 2019

Екі медициналық пойыз еліміздің 40 мыңнан астам тұрғынына көмек көрсетті

18 реткөрсетілді

«Денсаулық» медициналық пойызы Маңғыстау облысының 10 шалғай стансасы бойынша сапарын аяқтады. Пойыз мамандары жергілікті тұрғындарға тегін медициналық көмек көрсетіп, бірқатар ауыр сырқаттарды анықтап, одан әрі емделу мен тексерістен өту үшін жолдамалар берді.

Ересектер мен балалар арасында анықталған аурулардың көбі сан жағынан да, ауру дәреже­сінің күрделілік деңгейі бо­йынша да өңірден өңірге барған сайын өсіп келеді. Бұл жолы медициналық пойыз мамандары бірқатар ауыр онкологиялық және жүрек-қан тамыр ауруларының анық­талуының куәсі болды. Маң­ғыс­тау облысындағы меди­ци­налық тексерулердің статис­ти­касы келесідей: жалпы 10 823 дәрігерге келу тіркелген, дәрі­герлер 2 306 пациентті қабыл­да­­ған, оның ішінде 481 бала. Медициналық пойыз шағын хирургиялық оталар жасауға және скринингке қажетті барлық техникамен жабдықталған. Осылайша пойызда 181 ФГДС процедурасы, 717 УДЗ (УЗИ) және 233 флюорография жасалды. Маңғыстау облысында тұрғындар ең көп барған дәрігерлер қатарында стоматолог, офтальмолог бар. Тіс дәрігері 832 адамды қабылдаса, көз дәрігері  820 адамды тексеріп үлгерген.

«Маңғыстау облысының тұрғындарын тексеру барысында 10-нан астам онкологиялық сыр­қат анықталды. Оның ішін­де: 2 бет терісінің ауруы, 1 ауыз қуысының ауруы, УДЗ нәти­же­сін­де бауырдың метас­та­тикалық зақымдануының 2 жағ­да­йы, 2 бүйрек ауруы, 2 қуық ауруы, 1 қалқанша безі ауруы және бүйректегі қатерсіз ісіктің 3 жағ­да­йы анықталды.

Сондай-ақ науқастардың біреуінде ЭКГ-ны тексеру кезінде бірінші рет екінші дәрежелі синомолекулярлы блокада анықталды - ол бірден Холтер мониторингіне жіберілді. Науқас одан әрі кардиостимуляторды имплантациялау үшін толық тексеруден өтуі керек. Біз барлық пациенттерге қорытынды мен одан әрі емделу үшін жолдамалар береміз», деді Маңғыстау облысы бойынша медициналық бригада басшысы Зулия Камиева.

Медициналық пойыз маман­дар­дың кең спектрі бойынша жұмыс істейтін клиникалары жоқ шалғай аудандарда тегін меди­циналық көмек көрсе­теді. Мұн­дай көмек ауыр сырқаттар­дың таралуына жол бермейді. Нау­қастар дәрігерлер мен медбикелерге кәсіби деңгейде көрсеткен қызметтері үшін алғыс білдіреді.

 «Бүгін біздің елді мекенге «Денсаулық» медициналық по­йы­зы келді. Маған дәрігерлердің па­циенттерге деген қарым-қа­ты­­настары ұнады. Барлығы сыпайы, ұқыпты және өз ісінің шеберлері екен. Әсіресе қарт­тар өте риза. Медициналық пойыз­дың бізге жыл сайын келіп тұрға­нын қалаймыз», дейді Сай-Үтес бе­ке­­тінің тұрғыны Бағилаш Бейбітова.

Естеріңізге сала кетсек, жоба 29 сәуірден бастап жүзеге асырылып келеді және оның бас­ты мақсаты – еліміздің шалғай аудандарының тұрғындарын тегін медициналық қызметпен қамту. Жобаны «Самұрық-Қазына» АҚ компаниялар тобының атынан «Samruk-Kazyna Trust» Әлеуметтік жобаларды дамы­ту қоры Денсаулық сақтау министр­лі­гінің атсалысуымен жүзеге асырып жатыр.

2019 жылдың 20 тамызында «Денсаулық» медициналық пойызына қосымша «Жәрдем» мамандандырылған медициналық пойызы іске қосылған болатын. Бұл «Денсаулық» пойызы сияқты медициналық көмекке қолы жетпейтін шалғайдағы стансалар мен жақын орналасқан ауыл­дар­дың тұрғындарына алғаш­қы медициналық-сани­тар­лық және консультативтік-диаг­нос­­тикалық көмек көрсетеді. «Жәрдем» медициналық пойызы қазір Ақтөбе облысын аралау­да. Екі пойыздың іске қосылу уақытынан бастап барлығы 40 479 адам тексерістен өткен.

Пойыз вагондары неміс және жапон өндірісінің алдыңғы қатарлы фирмаларының заманауи диагностикалық құрал-жабдықтарымен жабдықталған. Аппаратуралар пациенттерге қажет болған жағдайда толық жалпы және биохимиялық талдаулар жасауға, рентгенография және флюорографиядан өтуге, ішкі органдарға және қан тамырларына УДЗ-зерттеулер жүргізуге, электрокардиограмма, гастрофиброскопия жасауға және басқа да диагностикалық зерттеу­лер жүргізуге мүмкіндік береді.

 

«Егемен-ақпарат»

 

Соңғы жаңалықтар

Тартымдылық тереңдей түспек

Аймақтар • Бүгін, 09:37

Жаңылтпаш жауаптар кімге қажет?

Аймақтар • Бүгін, 09:17

Қорғаныс-өнеркәсіп кешені

Қоғам • Бүгін, 07:59

Үздіктер марапатталды

Футбол • Бүгін, 07:57

Жастар жарады

Спорт • Бүгін, 07:51

Жерлестеріміз жоғарылады

Кәсіпқой бокс • Бүгін, 07:50

Фронт-кеңсе ашылды

Аймақтар • Бүгін, 07:31

Қоршаудан құтылған қала

Қоғам • Бүгін, 07:28

Анаға тағзым етіңдер!

Руханият • Бүгін, 06:57

Үмітіңді үзбе, үлескер...

Қоғам • Бүгін, 06:51

Ұлылар мұрасы – ұрпаққа өнеге

Аймақтар • Бүгін, 06:42

«Атыңнан айналайын, Әулие ата»

Руханият • Бүгін, 06:40

Ел ардағы – елу есім

Қоғам • Бүгін, 06:20

Он айдағы орнықты даму

Экономика • Бүгін, 06:17

Стратегиялық ықпалдастық артады

Парламент • Бүгін, 06:09

Миссия басшысымен кездесті

Үкімет • Бүгін, 06:08

Ұқсас жаңалықтар