Өкінішке қарай, одан кейінгі екі күнде бірде-бір балуанымыз жеңіс тұғырына көтеріле алмады. Ерлер арасында 73 кило салмақта күрескен Жансай Смағұлов тұсаукесер кездесуінде швециялық Томас Макиастан ұтылды. 81 кило салмақтағы Руслан Мұсаев алғашқы айналымда Нидаят Хейдаровтан ұтылса, Дидар Хамза екінші кезеңде франциялық Омар Джалодан жеңілді.
Сол секілді қыздардан да қайыр болмады. Сол күндері боз кілемге шыққан Иоланта Бердібекова (63 кило) мен Зере Бектасқызы (70 кило) алғашқы айналымдардан аса алмады.
