Әскери қызметшілердің жағдайымен танысты

Қорғаныс ведомствосының делегациясы әскери бөлімдер орналасқан жерде болып, жас офицерлердің, мерзімді және келі­сімшарт бойынша әс­ке­ри қызметшілердің жағ­дай­лары­­мен танысты. Генерал-ма­йор Мұхамеджан Тала­сов жеке құраммен, мерзім­ді қыз­мет­тегі әскери қызмет­ші­лер­дің ата-аналарымен кез­десіп, бар­лық сұрақтарға жауап берді. Соны­мен қатар ол әске­ри бө­лім­дер мен мекемелер ко­ман­­дирлерінің тәртіптің жай-күйі, әскери қызметшілердің әлеу­­меттік-тұрмыстық және тұр­ғын үй жағдайы, бөлім­ше­лер­дегі моральдық-психо­логия­лық ахуал, түйткілді мәсе­ле­лер туралы баяндамаларын тың­­дады, сондай-ақ Прези­дент Жолдауының негізгі ере­желерін түсіндірді.

Әскери қызметшілер мен олардың отбасы мүшелеріне қа­жет­ті заңгерлік көмек көр­се­тіліп, әскери қызметке, тұр­ғын үй және зейнетақымен қамта­ма­сыз етуге қатысты мәселелер бойынша кеңестер берілді.

Іс-шаралар Қарулы Күш­тер Ұлт­тық әскери-патриот­тық орталығы әртістерінің концерттерімен сүйемелденді. Сонымен қатар АОСК қоян-қол­тық ұрыс және қазақ күресі бойынша әскери спортшы­ларының өнерлері қойылды.

Сарыөзек гарнизонына бару әскери бөлім күнімен тұспа-тұс келді. Осы бойынша әскери жарыста үздік болған әскери қызметшілер марапатталды. Оларды Қарулы Күштер Бас штабы бастығының орынбасары жеке құттықтады.

«Барлық әскери қызмет­ші­лерге әскери борышқа адал­дығы, қызметі мен Отан қор­ғау ісіне қосқан зор үлесі үшін шынайы ризашылығымды білдіремін. Сіздердің тамаша қызметтеріңіз абырой, әскери ерлік пен патриотизмнің айқын дәлелі», – деді ол.

Гарнизондармен танысу барысында запасқа шығарыла­тын мерзімді қызметтегі әскери қызметшілерді құттықтау және осы күзде Қарулы Күштер­ге қызметке жіберілетін әскерге шақырылушыларды шығарып салу ұйымдастырылды. Жас патриоттар да шетте қалмады. «Жас Сарбаз» әскери-пат­риот­тық қозғалысының тәрбие­ленушілері салтанатты түрде ант қабылдады.

Айта кету керек, ақпарат­тық-түсіндіру тобының жұ­мыс мақсаты – әскери қызмет­шілермен, олардың отбасы мүш­елерінің әлеуметтік-тұр­мыс­тық жағдайлары мен өзекті мәселелерін зерделеу, гар­ни­зондардың әскери бөлім­дері қолбасшылығының қыз­метін талдау, қолданыстағы заңнаманың негізгі ережелерін түсіндіру және Президенттің Жол­дауын жүзеге асыру, сон­дай-ақ әскери бөлімдер мен ме­кемелерге ақпараттық-тәрбие және идеологиялық жұмыс­тар­ды ұйымдастыру мәселе­лері бойынша әдістемелік және практикалық көмек көрсету.