Сонымен қатар 1500 адам аталған орталықтан психологиялық көмек алған болса, 1600 азаматқа құқықтық қолдау көрсетіліпті. Үш мыңнан астам отбасы азық-түлікпен және киіммен қамтамасыз етіліп, бірреттік жәрдемге ие болған.
«Алматы қаласының әкімі Бақытжан Сағынтаев аналарға арналған әлеуметтік орталықтарды қаладағы 8 ауданда ашуды тапсырған болатын. Мұнда көпбалалы аналар өздерін алаңдатқан мәселелер бойынша келеді. Орталыққа әсіресе атаулы әлеуметтік жәрдемақы алу ісімен тұрғындар көптеп жүгініп жатады. Оларға жан-жақты қолдау жасалып, көмек көрсетілуде. 2017-2021 жылдарға арналған «Еңбек» мемлекеттік бағдарламасы арқылы көпбалалы аналарды жұмыспен қамту ісі де қарастырылған», – дейді Алматы қаласы Әуезов ауданы «Baqytty Otbasy» орталығының басшысы Ақнұр Жұмабаева.
Айта кетсек, «Бақытты Отбасы» орталығы – аз қамтылған көп балалы және тұрмысы төмен отбасылардың өмір сүру сапасын жақсартуға бағытталған.
АЛМАТЫ
