1/8 финалда жерлесіміз ресейлік Теймұраз Габашвилимен күш сынасты. 34 жастағы Мәскеудің тумасы кезінде әлемдік рейтингте «ТОП-50» ойыншының қатарына енген. Ролан Гарростың төртінші айналымына шығып, АҚШ пен Австралияның ашық біріншіліктерінің үшінші кезеңінде өнер көрсетті. Дүниежүзілік Универсиадада күміс медальді иеленді. Қазіргі кезде ол АТР тізімінде 288 орынды қанағат тұтуда.
Әрине, Денис Евсеев ондай табыстарымен мақтана алмайды. Десек те әлемдік рейтингте 311 орында тұрған отандасымыз бұл бәсекеде тәжірибелі қарсыласын 6:4, 5:7, 7:6 есебімен қапы қалдырды. Енді ол мысырлық Мұхаммед Сафватмен шеберлік байқасады.
