Қазақстан • 31 Қазан, 2019

Ерікті болу үшін ақы алмаса да, жобасын іске асырған Айжан Мамеш

290 реткөрсетілді

Ерікті (волонтер) – латынның voluntaries  сөзінен шыққан. Өз еркімен, өзінің есебінен қоғамдық жұмыстарға белсене араласушы деген мағынаны білдіреді. Ал қоғамда еріктілердің рөлі ерекше. Өйткені еріктілер істеген жақсылығы үшін белгілі бір жалақыны талап етпейді. Олар көмектесуді парыз деп есептейді.

Қазақстанда еріктіліктің қарқынды дамып жатқанына қарамастан, «Жастар» ғылыми-зерттеу орталығының 2018 жылғы зерттеулеріне сәйкес, жас азаматтардың 82,6 % еріктілікпен айналыспағандығы анықталған. Әр бесінші жас волонтерлік туралы ешқашан естімеген екен. Әйтсе де, жастар еріктіліктің тұлғалық қалыптасудағы ролін түсіне бастағаны айқын. Бұған дәлел – 2017 жылы өткізілген Халықаралық ЕХРО 2017 көрмесі мен Қысқы Универсиада ойындарында қызмет көрсеткен 8000-нан астам жастардың қамтылуы. Сонымен қатар, еліміздің әр қаласында қарттар, жетімдер, әлеуметтік осал топ отбасылары, апат құрбандары және өзге де жәрдем қажет ететін қоғам мүшелеріне көмек көрсететін жастар ұйымдарының саны жыл сайын артып келеді. Еріктілер нақты немен айналысады? Неге олар тегін жұмыс істеуге әзір? Бұл сұрақтарға Алматы еріктілер лигасының мүшесі Айжан Мамеш жауап берді. Ол «Еріктілер лигасына» жан қалауымен кіріп, қазір істеп жатқан жақсылықтарды қоғамның әр мүшесі атқаруы керек деп есептейді.

- Айжан, еріктілер лигасына қосылудың белгілі бір себебі бар ма?

- Ерікті болу дегеніміз – қоғамға қажет екеніңді сезініп, адамдарға пайдаңды тигізу. Сол арқылы білімің мен икемділігіңді үнемі жетілдіріп отыру. Еріктілер деп кез келген істі өз еркімен, ешкімнің мәжбүрлеуінсіз, шын көңілмен атқаратын жандарды айтады. Алматының «Еріктілер Лигасы» 2014 жылы құрылған. Құрамында ресми түрде 10 мыңға жуық ерікті тіркелген. Оның 80%-ін жастар қауымы құрайды. Лига бес бағыт бойынша қызмет атқарады. Атап айтқанда, әлеуметтік, денсаулық, білім, экологиялық бағыт және өз-өзін дамыту салалары бойынша жұмыс істейді. Лигада жас ерекше­лік­теріне де шектеу қойылмайды екен. Құрамында мектеп оқушысынан бастап үлкен азаматтарға дейін тіркелген.  Сонымен қатар, бұл ұйым қаладағы 14 жоғары оқу орындарымен қарым-қатынас орнатқан.  Еріктілердің арқасында ел қызығатын, көпке үлгі болатын, халыққа тигізетін пайдасы зор игілікті істер өркен жайып келе жатқаны көңілге қуаныш ұялатады. Сондай істердің бірі – Алматыда өткен бүкіләлемдік Қысқы Уни­версиада. Студенттер арасындағы дүниежүзілік спорттық сайыстың Алматы қала­сында өтуі, Тәуелсіз мемлекетіміздің тарихындағы елеулі оқиға еді. Бұл ретте елімізде өткен дүниежүзілік жарыста «Еріктілер Лигасының» еріктілері өз жұмысына аса үлкен жауапкер­шілікпен қарап, оның әлемдік деңгейде өтуіне өз үлестерін қосқан екен. ЕХРО 2017 көрмесінің еріктілер командасына қосылуына жасымның сәйкес келмеуіне байланысты қатыса алмадым. Содан еріктілер лигасына кіруге шешім қабылдадым.

 - Еріктінің басты міндеті қандай?

- Әр еріктінің басты міндеті – шын ниетпен көмектесу. Өзгеге жақсылық істеу. – адам табиғатына тән нәрсе. Оның үстіне халқымыз кашанда кайырымдылықтан кенде болмаған, жетімін жылатпаған, жесірін қаңғытпаған. Бұл қасиет оның болмысының ажырағысыз құрамдас бөлігі болса керек. Мысалы, бұрын ауыл-аймақта көрші-қолаң жиналып, мұқтаж жанға қолдарынан келгенше көмек көрсетіп, асар істеген. Сондықтан қазір ерікті болу таңғаларлық іс емес. Көмек көрсету – біздің қанымызда бар. Бас координаторлардан келген тапсырмаларды еріктілер орындайды. Мен командада болғандықтан әр шараға міндетті түрде қатысуға тырысамын. Наурыз айынан бастап Алматыда ауқымды жобалар ұйымдастырылды. Соның ішінде мен үшін ең қызық жоба жыл сайын ұйымдастырылатын – Алматы марафон. Әр жоба форматына қарай қызық. Мен бұл әлемді жақсылық істеуге шақырғым келеді. Үйде жатқанша қоғамға пайдалы болу – басты мақсат. Иә, еріктілер тегін жұмыс істейді, ақы сұрамайды. Олардың істеп жатқан істері көзге көрінбеуі де мүмкін. Бірақ еріктілер қоғамға керек. Әркімді бір жамандап, көмек күткенше оны өзін істеуге тырысу да үлкен ерлік. Біз көбіне балалар мен қарттар үйіне жиі-жиі барып, қолымыздан келгенше көмек көрсетеміз.

- Мемлекет тарапынан еріктілерге қолдау бар ма?

Президентіміз Қасым-Жомарт Тоқаев келесі жылды – еріктілер жылы деп жариялады. Лигада ішкі ереже бар. Ерікті түнге қалса тегін жеткізіп тастау, 4 сағаттан аса жұмыс болса тағамын беру бар. Бірақ біздің басты мақсатымыз - адамдардың бір-біріне барынша жанашыр, мейірімді болуына түрткі болсақ дейміз. Студенттер енді еріктілер саны артатынына сенімді. Президент оларды әлеуметтік бағыттарға тарту үшін ақы төлеуді тапсырды. Министрлік бір сағаттық жұмыс 1000 теңге қылып белгіледі. Бұл еріктілер үшін үлкен көмек. Жақсылық істеуге үлкен мотивация болады. Әр жобадан кейін 80% жаңа достар табасын. Командада әр еріктінің ерекшелігі болады. Бірақ бәрімізді жақсылық істеу байланыстырады. Ерікті болғанға дейін саусақпен санарлық достарым ғана болған. Қазір олар өте көп әрі әр кез көмектесуге дайын тұрады. Еріктілер лигасы – кішкентай жанұя. Бастысы ешқашан жақсылық істеуден жалықпайтын, әлемді мейірімді болуға үндейтін орта. Ал адам ортасына қарай өзгереді.

- Ерікті болу - қандай мүмкіндіктерге жол ашты?

Ең алғаш ерікті болып келгенімде бірінші жасаған қадамым - Арбатта балаларға тәттілер таратуым. Бұл да бір қызық оқиға болды. Сол кезде өзіме «Болашақта балаларды қуанту» деген бір мақсат қойдым. Жақында мақсатымның алғашқы қадамын да істедім. "Стань старшим другом" атты өз жобамды бастадым. Бұл жобаның бас міндеті - «Балалар үйіндегі балаларды бақытты ету». Шілде айында №1 балалар үйіндегі тәрбиеленушілерді музейге апардым. Бойымда қорқыныштың болғаны рас. Себебі бұл жобамның боларына дейін қаншама мекемеге жүгігірп, мектеп оқушысы болғандықтан бұндай жауапкершілікті сенім артып бере алмаған сәттер де болды. Артқа шегініп, бастаған ісімді аяқтағым келмей, жылаған кездер де басымнан өтті. Бірақ табандылық пен еңбектің арқасында жобам іске асырылып жатыр. Күні бойы балалар үйінің тәрбиеленушілерімен уақытымды өткізу арқылы мен бар шаршағанымды ұмытып кеттім. Балалардың қуанышты жүздерін көргенде, мақсатым айқын болғанын түсіндім. Бұл тек бастамасы, алда талай қадамдар болады. Еріктілер лигасының командасында болу арқылы мен болашағыма маңызды қадамдар істей бастадым.

- Еріктілерге қоғамда көзқарас қандай?

Қоғам еріктілердің арқасында ауқымды жобаларды іске асырып жатыр. Ал адамдар оны түсіне бермеуі мүмкін. Шетелде ерікті болу таңғаларлық іс емес. Екінің бірі жақсылық істеуге дайын тұрады. Концерттер, марафондар ұйымдастыру барысында бізді балағаттап, координаторларымызбен ұрсысып, біраз түсініспеушілік болса да болашақта ерікті болуға әр адам ұмтылады. Мен бұған сенемін. Өйткені жақсылық істеу қиын емес. Қоғамды жамандай бергенше, сол қоғамның бөлшегі адамдар жақсылыққа ұмтылуы керек.

- Сұхбатыңызға рахмет!

Соңғы жаңалықтар

Күлкі керуені № 16

Руханият • Бүгін, 12:04

Ақынға арналған күн

Руханият • Бүгін, 07:46

Қаланы дамыту құжаты дайын

Аймақтар • Бүгін, 07:43

Баспанамен қамтитын басты құжат

Бағдарламалар • Бүгін, 07:23

Болмысы бүтін Бағаев

Руханият • Бүгін, 07:19

Ер Едіге және елдік мүдде

Руханият • Бүгін, 07:11

Темекінің тауқыметі

Медицина • Бүгін, 07:05

Ең қысқа әңгіме. Олжас Сәндібек

Ең қысқа әңгіме • Кеше

Ең қысқа әңгіме. Талғат Ешенұлы

Ең қысқа әңгіме • Кеше

Ең қысқа әңгіме. Нұрдәулет Қабасов

Ең қысқа әңгіме • Кеше

Ең қысқа әңгіме. Ермек Бегзада

Ең қысқа әңгіме • Кеше

Ең қысқа әңгіме. Нұрназар Түрікбен

Ең қысқа әңгіме • Кеше

Ұқсас жаңалықтар