Екі команда арасындағы кездесудің бірінші кезеңі тең аяқталды. Шабуылшылар таблодағы нәтижені өзгертуге қанша тырысқанымен, қорғаушылар мен қақпашылар сәтті өнер көрсетті. Дей тұрғанмен «Барыс Аренаға» жиналған 11 мыңға жуық жанкүйер ойынның екінші және үшінші кезеңінде үш голдың куәсі болды. Екінші кезеңнің соңғы минутында Богдан Киселевич «Барыс» қақпашысы Эдвард Паскуалені сан соқтырып, командасын алға шығарды.
Кездесудің үшінші кезеңі өте тартысты басталды. Матчтың 52-минутында Михаил Григоренко мергендігімен көзге түсіп, есепті еселесе, 58-минутта Кирилл Капризов ойындағы соңғы әрі командасының жеңіс шайбасын соқты. Қорытынды есеп – 0:3. 24-турдан кейін «Барыс» турнир кестесінде 30 ұпаймен төртінші орында келеді. Жерлестеріміз келесі кездесуін 12 қарашада «Северсталь» клубымен өткізеді.
