Әлем • 05 Қараша, 2019

Нью-Йорк марафоны мәреге жетті

13 реткөрсетілді

АҚШ-та ұйымдастырылған әйгілі Нью-Йорк марафоны өз мәресіне жетті. 125 мемлекеттен келген 50 мыңнан аса желаяқтың қатысуымен өткен жарыста Кения спортшылары жеңіс тойын тойлады.

Ерлер арасында Джеффри Камворор Кипасангқа тең келер ешкім табылмады. 26 жастағы жартылай марафоннан үш дүркін әлем чемпионы, кросстан дүниежүзілік доданың жеңімпазы Нью-Йорктегі жарысты 2 сағат, 08 минут және 13 секундтық көрсеткішпен қорытындылады. Кипсангтың командалық әріптесі Альберт Корир екінші орынды иеленді. 25 жастағы атақты желаяқтың нәтижесі – 2:08.36. Үшінші орынды Эфиопияның мақтанышы Гирма Бекеле Гебре еншіледі. Оның уақыты – 2:08.38.

Әйелдер арасындағы жарыста да Кенияның қара маржандары дара шықты. Бас жүлдені 2:22.38 секундтық көрсеткішпен Джойсилин Джепкосгеи жеңіп алса, Мэри Кейтани (2:23.32) мәре сызығын екінші болып қиып өтті. Үшінші орынды эфиопиялық Рути Ага (2:25:51) иемденді.

Соңғы жаңалықтар

Оқырманмен ой бөлісті

Руханият • Кеше

«Бір сынаған жаманды...»

Аймақтар • Кеше

Ел игілігін еселеген жан

Руханият • Кеше

Теңгенің тегеуріні

Қаржы • Кеше

Сенім капиталы

Экономика • Кеше

Ұқсас жаңалықтар