Экономика • 07 Қараша, 2019

Майлы дақылдар алқабының көлемі 2,5 есеге өсті

19 реткөрсетілді

Нұр-Сұлтан қаласында «KazOil – 2019» III Халықаралық конференциясы өтті. Әлемдік және отандық май нарығының жетекші компаниялары, бизнес және аграрлық ғылым саласының өкілдері бас қосқан жиынның мақсаты – бүгінгі май нарығының даму үрдістері мен ерекшеліктері, саладағы нарықтың соңғы жаңалықтары, өзара сауда-саттықтың көлемін ұлғайту және тағы да басқа мәселелерді талқылау.

Конференция аясында Қазақ­стан­дағы май өндірісін дамыту­дың жағдайы мен перспективалары, әлемдік нарықтағы сұранысы сияқты мәселелер қаралды. Жиын барысында Ауыл шаруашылығы министрі Сапархан Омаров баяндама жасап, соңғы 10 жылда майлы дақылдар алқабының көлемі 2,5 есеге өскенін жеткізді.

«Соңғы 10 жылда майлы да­қыл­дар алқабының көлемі 2,5 есе­ге өскен. Өсімге зығыр алқап­тарын 5 есеге, соя алқаптарын 2 есеге, мақсары майын 39 пайыз­ға кеңейту нәтижесінде қол жет­кізілді. Тұрақты сұраныс­ арқылы майлы дақылдар­дың экспорты жыл сайын артып келеді. Бүгінде біз майлы да­қылдардың 40 пайызын ши­кізат түрінде экспорттаймыз. 2018 жылы шикізат экспор­тының көлемі 2017 жылмен са­лыстырғанда 21,6 пайызға, 2016 жылмен салыстырғанда 73,4 пайызға өсіп, 1 млн тоннаны құрады», деді С.Омаров.

Министрліктің мәліметінше, бүгінде республикада жалпы қуаты жылына 2 млн тонна майлы дақылдарды өңдейтін 52 кәсіпорын бар екен. Ағымдағы жыл­дың 9 айында тазартылған және тазартылмаған майлардың өндірісі өткен жылдың осы кезеңімен салыстырғанда 32,4 пайызға артып, 343,5 мың тоннаны құраған. Соңғы 5 жылда тазартылмаған зығыр майын өндіру 34 есеге артқан. Ауыл шаруашылығы министрі алдағы уақытта дайын өнімдерді экспорт­тау міндеті тұрғанын, осы мә­се­лені шешу үшін тыңайтқыш­тарға, тұқымдар мен гербицидтерге жеңілдетілген кредит бе­ріп, сондай-ақ, субсидияларды қаржыландыру арқылы аталған саланы қолдау жалғасатынын айтты.

Конференция бағдарламасы үш негізгі сессиядан тұрды. Біріншісі, «Қазақстанның май саласын дамытудың қазіргі жағдайы және болашақтағы дамыту стратегиясы», екін­ші­сі, «Май және қайта өңдеу на­ры­ғының 2019/2020 жылғы перс­пективалары» және «Май дақылдары өндірісінің бола­шағы».  Сондай-ақ «Қазақстан әлем­дік май да­қыл­дары нары­ғының негізгі үрдіс­тері, тұтыну нарықтары» атты пікірталас алаңы жұмыс істеді. Басқосу барысында май нарығы бағы­ты­ның өзекті мәселелерін талқылау үшін бірқатар танымал қазақстандық және шетелдік сарапшылар сөз сөйледі.

Солардың ішінде «Қазақ­стан май-тоңмай одағы» қауым­дас­тығы» ЗТБ президенті Конс­тантин Невзоров майлы дақылдар саласын дамыту қарқыны туралы баяндады.

«Ауыл шаруашылығы минис­тр­лігімен 2030 жылға дейін май-тоңмай саласын дамыту бағдарламасын әзірлеу бойын­ша бірлескен жұмыс бастал­ды. Министрлік базасында жұмыс тобы құрылды. Оған ірі зауыттар да қатысып жатыр. Жалпы, бұл бағытта саладағы жағдайға ау­қымды талдау жасап, пробле­маларды айқындадық», деді К.Невзоров. Оның сөзіне қара­ғанда, майлы дақылдарға арнал­ған егістің аумағы айтарлықтай артады. «Саланы дамыту бағдар­ламасында 2019-2021 жылдар бірінші кезең, 2022-2025 жылдар – екінші кезең, 2026-2030 жылдар – үшінші кезең ретінде белгіленді. Осы орайда біз өзімізді майлы дақылдармен, өсімдік майымен толықтай қамтамасыз етіп, дайын өнім экспортына жан-жақты шығамыз. 2030 жылға қарай майлы дақылдардың егістері 5 миллион гектарға дейін артады деп жоспарлануда», деді Қазақстан май-тоңмай одағы» қауымдастығы» ЗТБ президенті. 

 

Соңғы жаңалықтар

Мырқымбай

Әдебиет • Кеше

Қаламгермен кездесті

Әдебиет • Кеше

Қарашадағы қоңыр өлең

Аймақтар • Кеше

Ақша аударымын тексереді

Экономика • Кеше

17,5 мың құйма алтын сатылды

Экономика • Кеше

Алтыншы раундта жеңді

Кәсіпқой бокс • Кеше

Ұқсас жаңалықтар