Арнайы тактикалық оқу-жаттығу

Қоғам • 08 Қараша, 2019

Арнайы тактикалық оқу-жаттығу

Нұр-Сұлтан қаласында қысқы кезеңге дайындық шеңберінде 5 және 6 қарашада 2019-2020 жылдары халықты және аумақты төтенше жағдайлардан қорғауды ұйымдастыру бойынша Нұр-Сұлтан қаласы әкімінің орынбасары Е.Қизатовтың басшылығымен «Қыс – 2019» республикалық командалық-штабтық оқу-жаттығулары өтті.

Светлана ҒАЛЫМЖАНҚЫЗЫ

«Қыс – 2019» оқу-жаттығу алаңда, 5 кезең бойынша өткізілді: 1 оқу кезеңі – авариялық-құтқару құрамаларының сап түзеуі, 2 оқу кезеңі – жылу құбырларындағы аварияны, сондай-ақ электрэнергетикалық желілердегі электр беру желілерінің үзілуін жою. Қатты аяз салдарынан жылу желілерінің апатты өшірілуі орын алды. Туындаған жағдайды жою үшін оқиға орнына «Астана-теплотранзит» авариялық бригадалары жіберілді.

3 оқу кезеңі – зардап шеккендерге арналған жылыту және тамақтану пункттері. Қабылдау пункті құтқарушыларға демалуға, жылынуға және тамақтануға, сондай-ақ «Апаттар медицинасы орталығы» дәрігерлерінің зардап шеккендерге шұғыл медициналық және психологиялық көмек көрсетуге мүмкіндік береді. Жылыту, медициналық көмек көрсету және тамақтану пункттерінде көмек көрсетудің тұрақты қатысушысы Нұр-Сұлтан қаласындағы Қызыл жарты ай қоғамының филиалы болып табылады.

4 оқу кезеңі – биік ғимараттан өрт сөндіру және құтқару жұмыстарын жүргізу. Оқу-жаттығудың сценарийі бойынша Тұрғын үй кешенінің 7-қабатында электр сымдары мен кабельдердің тұйықталуы орын алды. Шұғыл түрде шақырту орнына өрт сөндіру, құтқару бөлімшелері келіп жетеді, олар альпинистік құрал-жабдықтардың көмегімен, автосатыны көтеру, сондай-ақ «Өмір текшесіне» секіру құрылғысын қолдану арқылы адамдарды эвакуациялау және құтқару жұмыстарын жүргізді. Апаттар медицинасы орталығы, 103 қызметі зардап шеккендерге медициналық көмек көрсетті.

5 кезең – Нұр-Сұлтан – Қарағанды автожолында қар басқан автобустан жолаушыларды эвакуациялау және балықшыларды іздеу. Оқу-жаттығудың сценарийі бойынша 112 құтқару қызметіне Нұр-Сұлтан-Қарағанды рейстік автобусының жолаушыларынан жауын-шашын мен 25 м/сек екпінді желдің салдарынан жолаушылар тобы бар автобус қар құрсауына түскендігі туралы қоңырау келіп түсті. Төтенше жағдайлар туындаған жерге шұғыл көмек көрсету үшін Департаменттің күштері мен құралдары, құтқару жасағы, 5573 әскери бөлімінің 25 әскери қызметшісі, Трэкол жоғары өтімді автокөліктерімен медициналық бригадасы жіберілді.

Осы күні балықшылардың туысқандарынан мұз астынан балық аулауға шыққан жақындарының қатты боран салдарынан ауа райының қолайсыздығына тап болғаны туралы қоңырау келіп түсті. Іздестіру үшін құтқарушылар мен Ұлттық ұланның әскери қызметшілері құрамында жедел топ құрылды. Секторлар бойынша бөліне, сондай-ақ кинологиялық есепті және құтқару техникасын қолдана отырып, медициналық бригадаға жеткізілген зардап шеккендер табылды. Оқу-жаттығудың тағы бір кезеңі өрт сөндіру және биік ғимараттан құтқару жұмыстарын жүргізу болды.

«Бүгін біз елорданың жедел әрекет ету қызметтерінің қаншалықты дайын екеніндігіне куә болдық, сондай-ақ оқу-жаттығуда жолаушыларды эвакуациялау, зардап шеккендерді құтқару және медициналық көмек көрсету бойынша арнайы-тактикалық оқу-жаттығулар пысықталды. Мен бүгінгі оқу-жаттығу сәтті өтті деп есептеймін, өйткені барлық алға қойған мақсаттарға қол жеткіздік», – деді Нұр-Сұлтан қаласының Төтенше жағдайлар департаменті бастығының міндетін уақытша атқарушы, полковник М.Аманбаев БАҚ өкілдеріне берген сұхбатында.

Оқу-жаттығуға барлығы 31 техника мен жеке құрамнан 126 адам жұмылдырылды.