Қазақстан • 08 Қараша, 2019

Qatar Аirways Қазақстанға 2019 жылдың соңына дейін ұша бастайды

38 реткөрсетілді

Қазақстан Республикасы Индустрия және инфрақұрылымдық даму министрлігі «ашық аспан» режимінде Қазақстанға жаңа әуе компанияларды тарту бойынша жұмыс жүргізуде. Бұл туралы Индустрия және инфрақұрылымдық даму министрлігінің баспасөз қызметі хабарлады.

2019 жылдың 8 қарашасында Дохада (Катар) Қазақстан Республикасы мен Катар мемлекетінің авиациялық биліктері келіссөздер жүргізді. Катар делегациясын Катар Азаматтық авиация әкімшілігінің президенті Абдулла Насер Турки Аль-Субай мырза басқарса, ал қазақстандық тарапқа Қазақстан Республикасының ІІДМ Азаматтық авиация комитетінің төрағасы Талғат Ластаев жетекшілік етті. Келіссөздерге Қазақстан Республикасының Катардағы елшісі Асқар Шоқыбаев, Qatar Airways, Эйр Астана, Алматы әуежайының өкілдері қатысты.

Нәтижесінде, Нұр-Сұлтан мен Доха арасында аптасына 7 рейс, Алматы мен Доха арасында аптасына 7 жолаушы және 7 жүк рейсі, сондай-ақ Қазақстанда енгізілген 5-ші «әуе еркіндігін» ұсынатын «ашық аспан» тәртібі аясында тұрақты рейсті орындау үшін құқықтық база бекітілді.

«Qatar Airways» әуекомпаниясының аға вице-президенті Фатхи Атти мырзаның ақпараты бойынша, Нұр-Сұлтан мен Доха арасындағы алғашқы рейстер биылғы желтоқсан айында іске қосу жоспарланып отыр. Бұл қазақстандық жолаушыларға әлемнің 160 бағыты бойынша саяхаттауға мүмкіндік береді.

Анықтама үшін:

Qatar Airways - Қатардың ұлттық әуекомпаниясы, әлемдегі ең ірі әуе компаниялардың бірі. Әуе паркі 233 әуе кемесінен тұрады. Әуетасымалдаушының басты транзиттік хабы – Доха қаласының Хамад халықаралық әуежайы. 2018 жылдың қорытындысы бойынша әуекомпания 29 миллионға жуық жолаушыны тасымалдады.

Соңғы жаңалықтар

Күлкі керуені № 16

Руханият • Кеше

Ақынға арналған күн

Руханият • Кеше

Баспанамен қамтитын басты құжат

Бағдарламалар • Кеше

Болмысы бүтін Бағаев

Руханият • Кеше

Ұқсас жаңалықтар