Жастар арасындағы жарыста жерлестеріміз керемет көрсетіп, мол олжаға кенелді. Атап айтсақ, Талшын Жуматаева (70 кило), Фариз Абдалов (52 кило) және Ғани Әділсерік (56 кило) бас жүлдені олжаласа, Айжан Әбдіқадыр (70,3 кило) мен Ерұлан Қабдолов (52 кило) күміспен күптелді. Ал Әйгерім Төреханова (52,2 кило), Инас Әшірбек (56,7 кило), Тыныштық Жәнібек (61 кило) және Досжан Кенжебаев (70 кило) қолаға қол созды.
Осы нәтиженің арқасында Қазақстанның жастар құрамасы жалпы командалық есепте екінші орын алды. Бірінші орынды Ресей олжаласа, Англия үшінші сатыға табан тіреді.
