Алғашқы матчта жерлестерміз 0:4 есебімен ойсырай ұтылған еді. Бұл бәсекеде Максим Волынюк (9 минут), Николай Шистеров (11 минут), Александр Виноградов (22 минут) және Данил Давыдов (32 минут) нысананы дәл көздеді. Есесіне келесі кездесуде «Қайраттың» мерейі үстем болды. Өте тартысты өткен қарымта ойында алматылықтар 2:1 есебімен жеңіске жетті. Біздің команда сапында Тайеби мен Луизиньо мергендік танытты.
Ресей сапарынан кейін елге оралған «Қайрат» соңғы даярлықтарын Алматыда пысықтайды. Естеріңізге сала кетейік, УЕФА Чемпиондар лигасының Элиталық кезеңіндегі С тобындағы бәсекелер 21-24 қараша аралығында Балуан Шолақ атындағы Мәдениет және спорт сарайында өтеді.
Бұл жарыста «Қайрат» «Бенфика» (Португалия), «Эль-Посо» (Испания) және «Песаро» (Италия) клубтарымен күш сынасады.
