Қарағанды облысының Білімді дамыту оқу-әдістемелік орталығының жанынан құрылған бұл орталықтың әлеуметтік серіктесі Bilim Media Group компаниясы.
Мұғалімдердің сандық ресурстарға қолжетімділігін арттыратын ресурстық орталықта bilimland.kz, itest.kz, imektep.kz, twig-bilim.kz білім беру тұғырнамаларын пайдалану бойынша семинарлар мен тренингтер өткізілетін болады. Сонымен қатар оқытушылардың ақпараттық-коммуникациялық технологияларды қолдану дағдыларын жетілдіріп, ашық сабақтар ұйымдастыруына да жағдай жасалған.
Жаңа орталықтың бірінші курсында оқу мәртебесіне өңірдің қалалары мен аудандарындағы білім беру саласын цифрландыруға жауапты мамандар ие болды.
