![Футзал: Жартылай финалдық сайыстар басталды](/media/2019/11/29/crop-85_3_458x611_zhartylay-finaldyq-sayystar-bastaldy.jpg)
Ақтөбеде жергілікті клуб пен Алматының «Қайраты» күш сынасты. Бәсеке барысында алаң иелері екі рет алға шыққанымен жеңісті қонақтар қарсыластарының уысынан жұлып әкетті. Есеп – 3:4 (2:1). Енді осы қос команда арасындағы жауапты кездесу 13-желтоқсанда Алматыда өтеді.
Рудныйда «Аят» пен Талдықорғанның «Жетісуы» шеберлік байқасты. Аса шиеленісті өткен ойында қонақтардың мерейі үстем болды. Есеп – 1:2 (0:1). Жартылай финалдық межедегі қарымта бәсеке 13-желтоқсанда Алматы облысының орталығында өтеді.