Медицина • 03 Желтоқсан, 2019

Жетісулықтардың өмір сүру ұзақтығы 73 жастан асты

50 реткөрсетілді

Алматы облысы тұрғындарының өмір сүру ұзақтығы 73 жастан асты. Ал «Денсаулық» бағдарламасының жүзеге асуы ойдағыдай жүріп жатыр. Бағдарлама талабы бойынша орындалатын 32 көрсеткіштің жиырма тоғызы жүзеге асуда. Жалпы өңір бойынша денсаулық сақтау саласының бюджеті  95,2 млрд теңгені құрады.

Бұл өңірдегі медицина саласының қалыпты жұмысының нәтижесі деп бағаланып отыр. Мемлекеттік қолдаудың арқасында аймақта жыл сайын жаңадан іске қосылатын медициналық қызмет көрсету нысандарының саны он беске дейін жетті. Яғни, облыстағы әрбір елді мекеннің дәрігерлік-амбулоториялық ғимаратын жаңарту мақсаты жолға қойылған. Ал өңір медицинасының құрал-сайманмен жабдықталу деңгейі 83 процентке жеткен.

Қазір облыста 2020 жылдан бастап іске қосылатын міндетті әлеуметтік медициналық сақтандыру  жүйесіне қосылуға қатысты жұмыстар аяқталуға жақын. Дерек бойынша, емханаларға бекітілмеген тұрғындардың саны 100 мың адамнан 36 мың адамға дейін қысқарған.

-Облыс бойынша «Міндетті әлеуметтік медициналық сақтандыру» қорына жарна аударуды түсіндіру жұмыстары аяқталуға жақын. Ең бастысы, тұрғындар бұл жүйенің өздеріне қаже текенін түсінді. Жалпы, МӘМС не үшін қажет?  Бүгінде тәулік бойы ем алудың құны 1,5 есеге, ал күндізгі станционар бойынша 2,5 есеге қымбаттады. Өйткені, медицина дамыды, қызмет көрсету, дәрі-дәрмек, құралдар мен құрылғылар қызметі жоғары. Қазір қолданысқа озық медициналық технологияның жемісі саналатын 450 түрлі әдіс пен құрылғы еніп үлгерді. Мемлекет қаржысы медициналық қызметті реформалауға міндетті болғанымен, науқастың ем-дом алуына қажетті шығынды өтей алмайды. Адамдар сол себептен де ақылы қызметке жүгінуге мәжбүр. Демек, медицина саласына міндетті сақтандыру жүйесін енгізудің қажеттілігі де, тиімділігі де бар дейді облыстық денсаулық сақтау басқармасының басшысы Бауыржан Ысқақ.

Айтпақшы, соңғы 5 жылы ішінде ел тұрығдарының түрлі меншік түріндегі емханалар мен ауруханаларға жұмсаған қаржысы 680 млрд теңгені құрапты. Бұл – жеке адам жұмсауға тиісті шығынның 42 процентіне жетіп отыр. Дүниежүзілік денсаулық сақтау ұйымы талабы бойынша мұндай шығын 20 проценттен аспауы тиіс екен.

Сонда жаңа жылдан бастап қолданысқа енетін жүйе отандық денсаулық сақтау саласын қазіргі айтылып жүрген түрлі сыннан ақтап, тұтас жүйені сауықтыра ала ма? Оны, әрине, уақыт көрсетеді. Ал әзірге азаматтар өз табысынан тиісті мөлшердегі соманы «Міндетті әлеуметтік медициналық сақтандыру қоры» коммерциялық емес акционерлік қоғамының есебіне аудару арқылы кепілді дәрігерлік көмекті алуға құқылы. Жалпы, инақтау жүйесіне төлейтін жарна мөлшері жыл сайын сатылап өсетінін де естен шығармауымыз керек. 2017 жылдың 1 шілдесінен бастап міндетті жарна табыстың 1 процентін құрап келсе, 2018-2019 жыл аралығында бұл көрсеткіш 1,5 процентке өзгерген. Ал алдағы жылдан бастап жарна 2 процентке көбейіп, 2022 жылдан 3 процентке көбейеді.

Соңғы жаңалықтар

Атыраулықтар тағы да үздіктер қатарында

Аймақтар • 13 Желтоқсан, 2019

Тәуелсіздік – тұғырым

Аймақтар • 13 Желтоқсан, 2019

Жас отбасылар баспаналы болды

Аймақтар • 13 Желтоқсан, 2019

Күлкі керуені № 25

Руханият • 13 Желтоқсан, 2019

Ұқсас жаңалықтар