Қазақстанның делегациясын Сыртқы істер министрінің орынбасары Роман Василенко басқарған. Қазақстандық дипломат өз сөзінде XXI ғасырда қабылданған Ұйымның бірден-бір саяси құжаты – 2010 жылғы ЕҚЫҰ Саммитінің Астана декларациясында көрсетілген идеялар мен принциптердің өзектілігін атап өтті.
Қазақстандық дипломат әріптестерін Президент Қасым-Жомарт Тоқаевтың бастамасымен жүзеге асырылып жатқан және саяси, экономикалық және әлеуметтік реформаларды қамтитын Қазақстандағы трансформация үдерістері туралы хабардар етті.
Р.Василенко инклюзивті диалогты жалғастырудың маңыздылығын, сондай-ақ жанжалдардың алдын алуы мен оларға бірлесіп төтеп беру бойынша ЕҚЫҰ мүше-мемлекеттерінің келісілген әрекеттерін жүзеге асырудың маңыздылығын атап өтті. Осы тұрғыда, ЕҚЫҰ-ның құрылуына және еуропалық қауіпсіздіктің қазіргі таңдағы құрылымына негіз салған Хельсинки Қорытынды Актінің қол қоюының 45-жылдығына, сондай-ақ Астана декларациясының қабылдауының 10-жылдығына байланысты 2020 жыл Ұйымға айрықша болатынына назар аударылды.
Еуразиядағы қауіп–қатерлерге қарсы іс-қимыл саласындағы халықаралық ұйымдардың синергиясын дамыту мақсатында ЕҚЫҰ СІМК барысында Тұңғыш Президент-Елбасы Нұрсұлтан Назарбаевтың «Үш диалог» тұжырымдамасы шеңберінде Азиядағы өзара ықпалдастық және сенім шаралары жөніндегі кеңесімен (АӨСШК) ынтымақтастығын кеңейту туралы бастамасы ұсынылды. ЕҚЫҰ мен АӨСШК көп ортақ және қазіргі заманғы кешенді сын-қатерлерді шешудің ұқсас тәсілдерін бөлісетіні атап өтілді, осыған байланысты олардың күш-жігерінің синергиясы өзара пайдалы болады.
Ауғанстандағы жағдайдың дамуына қатысты іс-шара қатысушыларының назары аударылды. 2019 жылы қазанда Нұр-Сұлтан қаласында ҚР СІМ ЕҚЫҰ-мен бірлесіп, халықаралық және аймақтық ұйымдардың жоғарғы өкілдердің қатысуымен «Ауғанстан және ЕҚЫҰ: Әріптестік және ынтымақтастық үшін мүмкіндіктердің құрылуы» атты дөңгелек үстелді ұйымдастырды.
Қазақстан әріптестердің ЕҚЫҰ-ның екінші өлшемі экономикалық-экологиялық шиеленісті төмендетудің және ЕҚЫҰ-ға қатысушы елдер арасында сенім шараларын нығайтудың катализаторы болуы мүмкін деген пайымдауын қолдайды. Осыған байланысты Қазақстан осы саладағы талдаумен және зерттеулермен, үздік тәжірибелермен алмасумен айналысатын тұрақты өзара байланыс жөніндегі ЕҚЫҰ Тақырыптық орталығын құру бастамасы бойынша сөз сөйледі.
ЕҚЫҰ СІМК-нің пленарлық отырысы қарсаңында қазақстандық дипломат Ұжымдық қауіпсіздік туралы шарт ұйымына (ҰҚШҰ) мүше мемлекеттердің сыртқы саяси ведомстволары басшыларының дәстүрлі кездесуіне қатысты, оның барысында тараптар ЕҚЫҰ СІМК-ге алты мүше мемлекеттің жалпы қатысуы контекстінде ҰҚШҰ деңгейінде бірқатар құжаттарды қабылдауға келісті.
