Экономика • 06 Желтоқсан, 2019

2019 жылы мұнай өндіру жоспары асыра орындалады - Энергетика министрлігі

37 реткөрсетілді

Үкімет үйінде өткен баспасөз конференциясында энергетика вице-министрі Әсет Мағауов Қазақстанның мұнай саласының дамуы туралы айтып берді. Бұл туралы Премьер-Министрдің баспасөз қызметі хабарлады.

Ә. Мағауов атап өткендей, 2019 жылғы қаңтар-қарашада алдын ала өндіру 82,5 млн тоннаны құрады. Бұл ретте республика бойынша 2019 жылы мұнай өндіру жоспары 89 млн тоннаны құрайды. 2019 жылдың соңына дейін мұнай өндіру жоспарын біршама асыра орындау күтілуде, яғни 90,5 млн тонна.

«Негізгі өндіріс үш ірі жобаның үлесінде. Мұнай өндірудің 60%-ын Теңіз, Қарашығанақ және Қашаған кен орындары қамтамасыз етеді. 2019 жылы 3 ірі жобада жөндеу жұмыстары жүргізілді. Жалпы, өндіру тұрақты», — деді Ә. Мағауов.

Күрделі жөндеу аяқталған соң Қашаған кен орнында мұнай өндіру тәулігіне 370 мың баррельге жетті.

Теңіз кен орындарын келешекте кеңейту және Қашаған кен орнында газды кері айдау қуаттарын кеңейту жобалары есебінен 2023 жылдан бастап өндіру көлемін 100 млн тоннаға арттыру болжануда. Қалған компаниялар бойынша мұнай өндірудің табиғи төмендеуі болжануда. Негізгі кен орындарында өндірістің кешеуілдеуіне байланысты Қызылорда облысының кен орындарында мұнай өндірудің төмендеуі күтіледі.

«Жалпы алдағы 2-3 жылда біз мұнай өндіру көлемін жылына 90 млн тонна деңгейінде ұстап тұратын боламыз», деді Ә. Мағауов. 

Вице-министр маңызды ұңғыма сағасының қысымын басқару, Қарашығанақты кеңейту және Қашаған кен орнының Шығыс бөлігін одан әрі игеру сынды инвестициялық жобалар құрылысы қарқынды жүріп жатқанын атап өтті. 

Ұңғыма сағасының қысымын кеңейту/басқару жобасының жалпы құны $36,8 млрд көлемінде бағаланып отыр. Жалпы орындау жоспары бойынша ілгерілеу қазірдің өзінде 72% құрайды. $28,5 млрд-қа жуық қаржы игерілді. Жобаны кесте бойынша аяқтау жоспарланған. 

Сонымен қатар қазіргі өндіру көлемін Қашаған кен орнында $11,5 млн тонна деңгейінде ұстау бойынша ауқымды жобаны іске асыру жоспарланған. Жалпы салымдар $3 млрд мөлшерінде бағаланып отыр. 

Қашаған кен орнын одан әрі кеңейту бойынша серіктестер кен орнының Шығыс бөлігін толыққанды игеру тұжырымдамасын әзірлеуде. 2020 жылы Энергетика министрлігінде кен орнының осы бөлігін игеру бойынша алғашқы тұжырымдама ұсынылады деп күтілуде. 

Соңғы жаңалықтар

Сенат Бюросының отырысы өтті

Парламент • Бүгін, 19:00

Өз қаржысына кітапхана салған

Аймақтар • Бүгін, 10:08

Сабаннан жасалған қалашық

Аймақтар • Бүгін, 10:05

Ауылға кел, жас дәрігер

Аймақтар • Бүгін, 09:37

Тарих. Тұлға. Түркістан

Руханият • Бүгін, 09:06

Адамдықтың қайнары

Руханият • Бүгін, 08:55

Берік Уәли: Абай мен Алаш

Руханият • Бүгін, 08:54

Ұқсас жаңалықтар