Ерлер бәсекесінде Елдос Сметов пен Ғұсман Қырғызбаев (60 кило), Ерлан Серікжанов пен Елдос Жұмаханов (66 кило), Жансай Смағұлов (73 кило), Дидар Хамза (81 кило) және Ислам Бозбаев (90 кило) өнер көрсетеді. Әйелдер арасында Отгонцэцэг Галбадрах (48 кило) пен Севара Нышанбаева (57 кило) сайысқа түседі. Бүгінгі таңда Қазақстанның дзюдошылары арасынзда әлемдік рейтингте ең жоғары орындарды иеленіп отырғандар осылар.
Айта кетейік, бұл беделі өте зор бәсеке. Осы жарыста бас жүлдені олжалаған балуанға 1800 ұпай берілсе, күміс және қола жүлдегерлер 1260 және 900 ұпайдан олжалайды. Сондықтан да «Мастерске» қатысқан әр дзюдошының табысты өнер көрсету үшін барын салатыны анық.
