Руханият • 16 Желтоқсан, 2019

Тұлғаға тағзым жасалды

73 рет көрсетілді

Тәуелсіздік мерекесі қарсаңында елордалық зиялы қауым өкілдері кіндік қаланың ескі қорымына сүйек күлі көмілген мемлекет және қоғам қайраткері, Алаш арысы Смағұл Сәдуақасовтың басына барып тағзым жасады.

Өткен ғасыр басында азаттық үшін басын бәйгеге тіккен ұлтшыл тұлғалардың алғы шебінде болған Смағұл Сәдуақасовтың ең әуелі, би­ыл 100 жылдық мерейтойын атап өтіп жатқан «Егемен» үшін де ерекше ор­ны бар. Се­бебі Алаш арысы 1921 жыл­дың қаңтар айынан бас­тап «Еңбекшіл қазақ» г­азетін аз уақыт бас­қарса, екінші рет 1925 жыл­дың ма­мыр айында басылым ре­дакторлығына тағайын­далып, республиканың бұ­рынғы астанасы Орынбордан жаңа орталық Қызылордаға газетті бұйдалап жеткізген екен.

Жарықтық, нағыз толыс­қан шағында, бар-жоғы 33 жасында Мәскеу-Донбасс темір жол құрылысында апаттан қайтыс болып, өр­телген сүйегі Дон қабiр­ста­нында топыраққа көмiл­мей, құмыра iшiнде сақ­талып келген едi. Арада 78 жыл өткенде, яғни 2011 жыл­дың қаңтар айында мар­құмның күлі туған топырағына жет­к­ізіліп, елор­­даның ескі қо­рымына жер­ленген болатын.

Алаш арысының басына тағзым етуге жиналған зия­лылар арасынан алғаш­қы болып сөз алған тарих ғы­лым­дарының докторы, академик Мәмбет Қой­гел­диев: «Смағұл – ХХ ға­сырдың алғашқы шире­гін­дегі күрделі кезеңнің ұлы тұл­­ғасы. Оның идеясы, ұста­нымы болашаққа үлгі. Ол ең әуелі, сол тұста жа­ңа­дан бекіп келе жатқан то­тали­тарлық жүйеге ашық қарсы шықты. Егер оның идеясы жеңіске жеткенде отызыншы жылдардағы қыр­ғын болмайтын еді. Бо­ла­шақта зиялылар тарапынан Солтүстік Қазақстан облысы аумағында бір ауданға көрнекті қайраткердің есі­мін берсек деген ұсыныс көтерілуде. Сондай-ақ Нұр-Сұлтан қаласындағы №78 орта мектепке Смағұлдың есімі берілмек. Оның артында қалған мұрасы өте құнды. Ел оны білуі керек», деді танымал тарихшы.

Сонымен қатар тағ­зым кезінде филология ғы­­­лым­дарының докто­ры, про­фес­сор Серік Не­ги­мов, қо­ғам қайраткері, рес­пуб­ли­калық «Қа­һарман­дар» рес­публикалық қоғамдық қорының төрағасы Сабыр Қасымов, смағұлтанушы-академик, Ресей елінен мар­­­­­құмының күлін туған то­пырағына жеткізген азамат Дихан Қамзабекұлы қа­тарлы ғалымдар сөз сөй­леп, Алаш арысының сан қыр­лы болмысы жайлы баяндады.

Соңғы жаңалықтар

260 науқас реанимацияда жатыр

Қазақстан • Бүгін, 11:50

Шекарада шектеу бар

Қазақстан • Бүгін, 11:13

Сөйле, сурет!

Қазақстан • Бүгін, 07:17

Жаһанға жұртын танытқан

Елбасы • Бүгін, 07:10

Тағы да уақытша тоқтатылды

Спорт • Бүгін, 07:07

Текеліде тутұғыр орнады

Аймақтар • Бүгін, 07:00

Қалғымайтын қала

Оқиға • Бүгін, 06:58

Алматыда індет өршіп тұр

Аймақтар • Бүгін, 06:50

Қарқаралы қуаныш құшағында

Аймақтар • Бүгін, 06:48

Кубриннің үйіндегі көрме

Өнер • Бүгін, 06:46

Рекордтар кітабына күймен кірді

Руханият • Бүгін, 06:40

Италияда өнер көрсетеді

Спорт • Бүгін, 06:40

Елбасының ерекше рөлі аталды

Елбасы • Бүгін, 06:35

Алыпсатарлар қатаң жазаланады

Экономика • Бүгін, 06:30

Телефон арқылы сөйлесті

Елбасы • Бүгін, 06:20

ҰБТ-2020 мәресіне жетті

Білім • Бүгін, 06:15

Елбасы ашқан академия

Өнер • Бүгін, 06:12

Елордада құрылыс екпінді

Аймақтар • Бүгін, 06:12

Бас қолбасшы

Елбасы • Бүгін, 06:05

Астана процесі

Саясат • Бүгін, 06:02

Ұқсас жаңалықтар