Үкімет • 19 Желтоқсан, 2019

Қазақстан Елшісі Израиль Президентіне сенім грамоталарын тапсырды

22 рет көрсетілді

Қазақстан Республикасының Елшісі Сатыбалды Бұршақов Израиль Мемлекетінің Президенті Реувен Ривлинге «Beit Hanassi» резиденциясында сенім грамоталарын тапсырды. Бұл туралы Сыртқы істер министрлігінің баспасөз қызметі хабарлады.

Салтанатты рәсім барасында Израиль Президенті мен Қазақстан Елшісі екіжақты қарым-қатынастар мен олардың даму перспективаларын, сондай-ақ халықаралық форматтар аясындағы өзара іс-қимылдарды талқылады.

Екінші дүниежүзілік соғыс кезінде еврейлерге баспана бергені үшін алғыс білдіре отырып, Р.Ривлин қазақ халқына деген алғыс сезімі израильдықтардың жүрегінде мәңгі сақталады деп сендірді.

Израиль Мемлекетінің басшысы көпұлтты Қазақстандағы толеранттылық пен конфессияаралық келісім саясаты жоғары құрметке лайық және іс жүзінде ксенофобияға, антисемитизмге және басқа да төзімсіздік көріністеріне қарсы тұру қажеттілігінің айқын үлгісі болып табылатынын атап өтті.

Денсаулық сақтау, индустрия, жоғары технологиялар және ноу-хау саласындағы сындарлы және өзара тиімді екіжақты ынтымақтастық деңгейін жоғары бағалай отырып, Израиль Президенті Қазақ елшісіне бірлескен жоспарлар мен жобаларды іске асыруда табыс тіледі.

Қазақстан халқы мен Президентіне Тәуелсіздік күніне орай құттықтау жолдағаны үшін Израиль Мемлекетінің басшысына алғысын білдіре отырып, С.Бұршақов достық байланыстарды одан әрі нығайту, атап айтқанда екі ел арасындағы сауда және экономикалық кооперацияға қарқын беру үшін барлық күш-жігерін жұмсайтынына кәміл сендірді.

Сөз соңында Р.Ривлин Президент Қасым-Жомарт Тоқаевқа ең ізгі тілектерін жолдап, Израильге ресми сапармен келуге шақырды.

9495

Соңғы жаңалықтар

Мобильдік топтар жұмысы жүйелі

Аймақтар • Бүгін, 15:27

ҰБТ-да 126 балл жинаған түлек

Аймақтар • Бүгін, 13:59

Лоукостер құны қалтаны қақпайды

Аймақтар • Бүгін, 08:20

Ұқсас жаңалықтар