Үкімет • 20 Желтоқсан, 2019

Оңтүстік өңірдің әскери бөлімдері мен мекемелері тексерілді

25 рет көрсетілді

Қазақстанның қорғаныс министрі Шымкент, Арыс гарнизондары мен Түркістан қаласына жұмыс сапарымен келді. Бұл туралы Қорғаныс министрлігінің баспасөз қызметі хабарлады.

Арыстағы әскери бөлімде болған төтенше жағдайдың салдарын жою жөніндегі жұмыс, атап айтқанда қару-жарақ, әскери техника және инженерлік-саперлік батальонының жабдықтары: саперлерді зақымдаудан қорғайтын «Доспех» сонымен қатар, «Сокол», «Тень» қорғау костюмдері тексерілді.

Әскери бөлім командирінің міндетін уақытша атқарушы – штаб бастығы полковник Темірбек Ерімбетов ұйымдастырылған жұмыс, жұмсалып жатқан күш пен құрал, орындалған және жоспарланған іс-шаралар жөнінде баяндады. Дәл сол күні оны Қорғаныс министрдің бұйрығымен тағайындаған әскери бөлімнің командирі ретінде таныстырды.

Министр жеке құрамды батальон ретінде құрылғанымен құттықтап, қызметте табыс, оқу-жауынгерлік міндеттерді одан әрі атқаруға қатысты тілек білдірді.

Одан басқа, жарылғыш құралдарды залалсыздандыру мамандарының дайындық барысы тексерілді. Өткен айда шетелдік мамандардың ұсынымдарын ескере отырып, жарылғыш заттарды іздеу, табу және жою жұмыстары жөніндегі кәсіби мамандарды дайындайтын арнайы курстар ашылды.

Қазіргі кезде Арыс маңында жеделдетілген топ жұмысын жалғастырылып, оқ-дәрілерді басқа қоймаларға жеткізу жұмысы орындалуда. Жалпы барлық кезең бойынша әскери мамандар қоймадан 1250 ш.м. астам аумаққа оқ-дәрілердің қалдықтарын іздеу мен жинау жүргізілді. Сүңгуір топ 30 шақырымға жуық жергілікті өзеннің арнасын тазартты. Әскери қалашықта 13 тұрғын үй, әкімшілік-қазармалық аумақта 16 ғимарат қайта қалпына келтіріліп, Арыс-Шардара жолының 7 шақырымына жөндеу жұмысы жүргізілді.

Қызметтік іссапар барысында әуе шабуылына қарсы бригада оқу-жаттығу дабылы бойынша қауырт көтерілді. Кезекші күштер мен құралдар шартты қарсыласты анықтау мен оны жою жөніндегі оқу-жауынгерлік мақсатын толықтай орындады. Қорытынды ретінде әскерлерді жауынгерлік әзірлікті одан әрі дамыту жөнінде нұсқаулар берілді.

Түркістан қаласына сапар барысында облыстық Қорғаныс істері жөніндегі департаменті және «Түркістан» әуежайындағы әскери секторына қатысты әкімшілік ғимараттарының жобалары таныстырылды. Оларды тапсыру мерзімдері 2023 пен 2024 жылдардың тамыз айларына жоспарланған.


Соңғы жаңалықтар

Ел жүрегі – елорда

Аймақтар • Кеше

Янайкинге “нағыз қазақ”

Аймақтар • 03 Шілде, 2020

Атырауда 42 көшеге жол төселеді

Аймақтар • 03 Шілде, 2020

Ұқсас жаңалықтар