Алматыда екі пойыз соқтығысып, 50-ден аса адам зардап шекті. Құқық қорғау қызметкерлерінің мәлімдеуінше, оқыс оқиға кешкі сағат 18:00 шамасында болған. Бұл туралы «Қазақстан» телеарнасы хабарлады.
Алматы-2 вокзалының 4-ші жолында тепловоз бен «Алматы-Новосібір» бағытындағы жолаушылар пойызы соқтығысты. Соның салдарынан түрлі дене жарақатын алған 4 адам ауруханаға жеткізілді. Ал 50-ге тарта адам медициналық көмектен бас тартқан. Қазір осы оқиғаға байланысты көлік прокуратурасы қылмыстық іс қозғап, тергеу амалдары жүргізілуде.
Данияр Түймебай.
