– Қымбаттым, Жаңа жылды қалай қарсы алсаң, жыл бойы солай өтесің деген сөз бар...
– Ал, сонымен не айтпақшысың?
– Жаңа жыл қарсаңында әне бір әуегөй концертке билет алсақ, жыл бойы көңіліміз көтеріңкі жүрер еді.
– Ырбың-жырбың әуегөйлерді ұнатпаймын. Одан да балық ауласа ғой шіркін!
– Жыл бойы далада тентіреп күн өткізбекшіміз ғой... Келіспеймін! Ал ән-әуенді жақтырмасаң, онда балетке барайық.
– Балыққа бармасақ, спорт сарайында хоккейден керемет жарыс өтеді...
– Хоккейіңді басыңа бүрк... Менің ұсынысым – балеттен басыңды ала қашсаң, өнердің өресі – опера тыңдап қайтайық.
– Хоккейді баскетболмен ауыстырдым...
– Допты шеңберге лақтырғандарды көр де отыр демекпісің!? Шыдамым жетпейді, одан да оператта он есе қымбат.
– Баскетболды волейболмен алмастырсақ ше?..
– Соңғы ұсынысым – драмтеатрда жаңажылдық қойылым болады екен.
– Сен жеңдің... Драмтеатрға тарттық. Тек онда менің бір ұсынысымды орындауға уәде бер.
– Келістік! Барсақ болды! Ал ондағы ұсынысың не?
– Барғаннан спектакль біткенше мен буфетте отырамын...
Берік САҒЫРБАЙ
Нұр-Сұлтан
