Қазақстан • 02 Қаңтар, 2020

Елордада коммуналдық қызметтер паркі жаңа арнайы техникамен толықты

382 рет
көрсетілді
1 мин
оқу үшін

Елордада коммуналдық қызметтер паркі жаңа арнайы техникамен толықты. Жолдар мен тротуарларды қардан тазалау үшін 60-тан астам техника алынды. Бұл туралы Нұр-Сұлтан қаласы әкімдігінің баспасөз қызметі хабарлады.


Елордада коммуналдық қызметтер паркі жаңа арнайы техникамен толықты

Олардың ішінде самосвалдар, автогрейдерлер, құм шашқыштар, тракторлар және т.б. Көктем мен жаз мезгілдері пайдалануға болатын 50-ге жуық арнайы техника алу жоспарланып отыр. 

Айта кетейік, 2019 жылдың желтоқсан айында коммуналдық қызметтер паркі 70-ке жуық арнайы техникамен толықты. Коммуналдық қызметкерлердің айтуынша, ескі техниканың тозуы 30-дан 50% - ға дейін құраған. Парк техникасын жаңарту қызметкерлер үшін қолайлы еңбек жағдайларын жасауға және санитарлық тазалаудың сапасын арттыруға мүмкіндік береді. Арнайы техника қаражатты оңтайландыру мен «ҚДБ Лизинг» АҚ-мен бірлесе сатып алу есебінен алынды. Техниканың басым бөлігі - отандық өнім.

Елорда әкімі Алтай Көлгіновтың тапсырмасына сәйкес 2020 жылдың қаңтарынан бастап коммуналдық қызметкерлердің жалақысы 10-нан 45%-ға дейін өсті. Сонымен қатар еңбекақы төлеудің ынталандырушы жүйесі енгізілді. Бұл да коммуналдық қызметкерлердің жалақысын арттыруға мүмкіндік берді.