«Алматы халықаралық әуежайы ауданындағы тұманға байланысты әуе рейстерінің кестесінде өзгерістер болуы мүмкін екенін ескертеміз. Дәл қазір әуежайда көрініс 30/100 метр, ауа температурасы - 5 градус аяз. Жолға шықпас бұрын рейстер жөніндегі ақпаратты өз әуекомпанияңыздың анықтамалығынан нақтылап алыңыздар», делінген хабарламада.
Сонымен қатар, әуежай баспасөз қызметінде нақтылағандай, ұшақтар штаттық режимде жұмыс жасап жатыр.
«ИКАО ІІІ В дәрежелі сертификатымыз бар, сондықтан біздің қалың тұман жағдайында көлденең көрініс 75 метр болса да ұшақтарды қабылдап, 125 метрге жеткен кезде де ұшақ ұшыра алу мүмкіндігіміз бар. Бұл ретте экипаждың да соған сәйкес сертификаты болуы шарт. Алайда барлық әуекомпанияларында аталмыш сертификат жоқ», делінген хабарламада.
