Бұл көрсеткіш 2018 жылғы 11 аймен салыстырғанда 672 миллиард теңгеге немесе 15,8 пайызға жоғары. Оның ішінде, өсімдік шаруашылығында 2 триллион 867,6 миллиард теңгеге (өсім 19,1 пайыз), ауыл шаруашылығында – 2, 03 триллион теңгеге (өсім 10,4 пайыз) өнім өндірілген.
Еліміздегі өсімдік өнімдерінің өндірісінде дәстүрлі түрде Солтүстік Қазақстан (475 миллиард теңге), Алматы (472 миллиард теңге), Ақмола (348 миллиард теңге) және Түркістан (346 миллиард теңге) облыстары көш бастап тұр. Бұл өңірлер республика бойынша жалпы көлемдегі өндірістің негізгі өсуін қамтамасыз етті. Өндірілген өнімдердің басым көпшілігін дәнді дақылдар құрайды. Мал шаруашылығында былтырғыдай Алматы облысы (323 миллиард теңге), Шығыс Қазақстан (281 миллиард теңге) және Түркістан (243 миллиард теңге) облысы алдыңғы қатарда тұр.
Мал мен құс өндірісінде аталған облыстар да тұрақты өсім көрсетіп отыр. Осыған дейін елімізде ауыл шаруашылығы саласында миллионнан астам қазақстандық жұмыспен қамтылғаны айтылды.
