Еліміздің сот жүйесіндегі рефорлардың басты ұстанымы әділет іздеген адамдардың шағымын дер кезінде қарап, тиянақты шешім шығаруға бағытталып отыр. Әсіресе, сотқа арыз берген тараптарды іс қозғалғанға дейін татуластыруға жасалған қадам нәтижелі. Бұл – тұрғындардың уақыт мен қаржылық шығындарын да үнемдеуге әрі әділетті шешімге қол жеткізуге бастайтын ізгі ниет.
Осы үрдіске Алматы облысының экономикалық сотының төрешілері де үлес қосып отыр. Мәселен, өткен жылы 233 іс бойынша медиация келісімі жүзеге асса, оның ішінде 97 дау-дамай сотқа дейінгі 5 күн ішінде шешімін тауып, арызданған талаптардың екі жақты келісімімен аяқталған.
