Аудандардың жаңа әкімдерін таныстырған Алматы қаласының әкімі Бақытжан Сағынтаев олардың Президенттік жастар кадр резервінің өкілдері екенін атап көрсетті.
«Мемлекет басшысының дарынды жастар үшін ашық және тиімді әлеуметтік лифт құру жөніндегі идеясы іске асуда. Алматыдан резервтер қатарына 39 адам енді. Бүгінгі кандидаттар – аудандар әкімдері болып қызмет атқаруға барынша дайындықтан өткендер. Біз олардан аталған аудандарда тұратын алматылықтардың өмір сүру сапасын жақсартуда нәтижелі жұмыстарды күтеміз», - деп атап өтті Бақытжан Сағынтаев.
Алатау ауданының жаңа әкімі Азамат Қалдыбеков бүгінгі күнге дейін Алматы қаласы жер қатынастары басқармасы басшысының орынбасары лауазымында болды. Ал Түрксіб ауданына әкім болып тағайындалған Бақытжан Ақжаров Алматының тұрғын үй саясаты басқармасының басшысы қызметін атқарған.
АЛМАТЫ
