Салтанатты шараны Абай музейінің директоры Ж.Әубәкір ашып, белгілі суретші Н.Өтепбаев Абай бейнесі тұрғысында кеңінен өз ойларын білдірді. М.Төлебаев атындағы музыкалық училищесінің студенті А.Саниязбекұлы Абайдың әнін әуелете шырқап, ашылу салтанатынан кейін көпшілік қауым жаңа көрмемен танысты.
«Абай. Уақыт. Өнер» көрмесіне музей қорындағы аса құнды 50-ден артық туынды қойылған. Олардың ішінде Ә.Қастеев, Е.Сидоркин, Б.Байғалиев, М.Әлиакпаров, Ғ.Макаров, Н.Өтепбаев және т.б. қылқалам шеберлерінің туындылары бар.
