Тағайындау • 23 Қаңтар, 2020

Президенттік жастар кадр резервінің өкілі лауазымды қызметке тағайындалды

342 рет
көрсетілді
1 мин
оқу үшін

Президенттік жастар кадр резервінің мүшесі Индустрия және инфрақұрылымдық даму министрлігі Азаматтық авиация комитеті төрағасының орынбасары болып тағайындалды. Бұл туралы Индустрия және инфрақұрылымдық даму министрлігінің баспасөз қызметі хабарлады.

Президенттік жастар кадр резервінің өкілі лауазымды қызметке тағайындалды

Ардақ Өтепов бұған дейін «Қазаэронавигация» республикалық мемлекеттік кәсіпорнының Стратегиялық жоспарлау басқармасы бастығының орынбасары қызметін атқарды.  

Өтепов Ардақ Төлтайұлы 1984 жылы Целиноград (Нұр-Сұлтан) қаласында дүниеге келген. Туған қаласында Басқару институтын, Алматыдағы Азаматтық авиация академиясын, Президент жанындағы Мемлекеттік басқару академиясын және АҚШ-тың Калифиорния университетін тәмамдаған.     

Өзінің еңбек жолын 2007 жылы Азаматтық авиация комитеті Ұшу қауіпсіздігін мемлекеттік қадағалау басқармасының авиациялық қауіпсіздік бөлімінің жетекші маманы болып бастаған. 2010-2011 жылдары басқарма сарапшысы, сосын 2014 жылға дейін Халықаралық қатынастар басқармасының бастығы болды. 2014-2018 жылдары «Қазаэронавигация» РМК Стратегиялық жоспарлау және сапа департаментінің ғылыми-техникалық ақпарат бөліміне басшылық етті. 2018 жылдан қазіргі уақытқа дейін «Қазаэронавигация» РМК Стратегиялық жоспарлау басқармасы бастығының орынбасары лауазымында болды.

Соңғы жаңалықтар

Су үнемдейтін қондырғы

Технология • Кеше