Тұсаукесер кездесуінде Бернарда Перадан басым түскен 20 жастағы жерлесіміз іле-шала бельгиялық Гретье Минненді де еш қиналмай ұтқан еді.
Үшінші кезеңде Рыбакинаның жолы 23 жастағы жергілікті теннисші Эшли Бартимен қиысады. Бұл күндері әлемнің бірінші ракеткасы атанып отырған Аустралияның өкілі биыл Ролан Гарроста топ жарған болатын. Одан бөлек, Аустралияның ашық біріншілігінің ширек финалында өнер көрсетіп, Уимблдон мен АҚШ-тың ашық біріншілігінде төртінші кезеңге дейін жетті. Және де ол WTA турнирлерін 10 рет және ITF додаларын 9 рет ұтқан.
Қос мықтың арасындағы тартыс 6:3, 6:2 есебімен Эшли Бартидің пайдасына шешілді. Бұл бәсеке 1 сағат 19 минутқа созылды.
