Қазақстан • 25 Қаңтар, 2020

Үш облыста ауа райына қатысты ескерту жарияланды

812 рет
көрсетілді
1 мин
оқу үшін

Маңғыстау, Түркістан және Қызылорда облыстарында ауа райына қатысты дабылды ескерту жарияланды. Бұл туралы «Қазгидромет» РМК хабарлады.

Үш облыста ауа райына қатысты ескерту жарияланды

26 қаңтарда Маңғыстау облысының кей жерлерінде тұман, көктайғақ болады, оңтүстік-батыстан және батыстан 15-20 м/с дейін жел соғады.

Ақтау қаласында 26 қаңтарда күндіз оңтүстік-батыстан және батыстан жел соғады, оның екпіні 15-20 м/с дейін жетеді. 26 қаңтарда Түркістан облысының кей жерлерінде түнде және таңертең қалың қар жаууы мүмкін.

Кей жерлерде тұман, көктайғақ, бұрқасын байқалып, оңтүстік-батыстан соғатын жел 15-20 м/с дейін күшейеді.

Шымкент және Түркістан қалаларында түнде және таңертең тұман түседі. Қызылорда облысының кей жерлерінде 26 қаңтарда тұман, көктайғақ, бұрқасын күтіледі.

Оңтүстіктен және оңтүстік-батыстан жел соғады, оның екпіні күндіз 15-20 м/с, кей жерлерде – 23 м/с дейін жетеді.

Соңғы жаңалықтар

Су үнемдейтін қондырғы

Технология • Кеше