Спорт • 26 Қаңтар, 2020

Теннис: Кукушкин мен Бублик ширек финалға шықты

268 рет
көрсетілді
1 мин
оқу үшін

Қазақстандық жұп – Михаил Кукушкин мен Александр Бублик Мельбурнде өтіп жатқан Аустралияның ашық біріншілігінің ширек финалына шықты.

Теннис: Кукушкин мен Бублик ширек финалға шықты

Тұсаукесер кездесуде олар әлемдегі ең мықты жұптардың бірі, былтырғы жылғы Ролан Гарростың жеңімпаздары, германиялық Кевин Кравиц пен Андреас Мисті 6:3, 7:6 есебімен ұтқан еді.

Екінші кезеңде Михаил Кукушкин мен Александр Бублик Оңтүстік Кореяның оғландары Нам Джи Сун мен Сона Мин-Кьюмен күш сынасты. 2 сағат 14 минутқа созылған бәсеке 6:7, 6:4, 7:5 есебімен отандастарымыздың пайдасына шешілді.

Үшінші айналымда біздің теннисшілер америкалық Сэм Куэрри және Стив Джонсонмен шеберлік байқасты. 1 сағат 10 минутқа созылған тарыста 6:4, 6:2 есебімен жерлестеріміз жеңіске жетті.

Ширек финалда Михаил Кукушкин мен Александр Бублик жұбы корт қожайындары – Джеймс Даквортжәне Марк Полманспен күш сынасады.

 

Соңғы жаңалықтар

Су үнемдейтін қондырғы

Технология • Кеше